පලාගිය කන්දකාඩු රැඳවියෙකු රෝහල්ගත කිරීමෙන් පසු මියයයි
Saturday, 12 November 2022 - 12:12 | Views - 662
කන්දකාඩු පුනරුත්ථාපන මධ්යස්ථානයෙන් පලාගොස් සිටි රැඳවියෙකු සිංහපුර කැලෑබද ප්රදේශයේදී සොයාගෙන රෝහල් ගත කිරීමෙන් පසු මියගොස් තිබෙනවා.
පුනරුත්ථාපන කොමසාරිස් ජනරාල් මේජර් ජෙනරාල් දර්ශන හෙට්ටිආරච්චි කියා සිටියේ මීට දින දෙකකට පෙර මෙම රැඳවියා සොයාගත් බවයි.
ඒ වනවිටත් ඔහු සිහිසුන්ව සිට තිබෙනවා. පසුව රැඳවියා රෝහල් ගත කර ඇති අතර, එහිදී ඔහු මියගොස් තිබෙනවා.
පුනරුත්ථාපන කොමසාරිස් ජනරාල් මේජර් ජෙනරාල් දර්ශන හෙට්ටිආරච්චි සඳහන් කළේ මෙම රැඳවියා දින කිහිපයක් ආහාර නොගැනීම හේතුවෙන් සිහිසුන්ව සිට ඇති බවයි.
ඒ හේතුවෙන් මෙම මරණය සිදුවන්නට ඇති බව රෝහල් බලධාරීන් ප්රකාශ කළ බවද ඔහු සඳහන් කළා.
කඳවුරෙන් පලාගිය තවත් රැඳවියන් 11 දෙනෙකු සොයා මෙහෙයුම් ක්රියාත්මකයි.
Share This Article