හේෂා විතානගේ සහ සනත් නිශාන්ත හිරු බලයේ දී ගැටෙයි (Video)
Friday, 04 November 2022 - 13:55 | Views - 472
හිරු ටී.වී බලය වැඩසටහනට ඊයේ (03) සහභාගි වුණේ, පාර්ලිමේන්තු මන්ත්රී සනත් නිශාන්ත, සංජීව එදිරිමාන්න, හේෂා විතානගේ හා අජිත් මාන්නප්පෙරුම යි.
වැඩසටහන අතරතුරු සනත් නිශාන්ත අමාත්යවරයා හා හේෂා විතානගේ මන්ත්රීවරයා අතර උණුසුම් වාද විවාද හට ගත්තා.
හේෂා විතානගේ පැවසුවේ, ඇතැම් අමාත්යාංශ නඩත්තු කිරීම සඳහා ලක්ෂ 40ක පමණ මුදලක් වැය වන බවත් එය අනවශ්ය මුදල් නාස්තියක් බවත් ය.
එම අවස්ථාවේ දී සනත් නිශාන්ත අමාත්යවරයා සඳහන් කළේ, තමාගේ අමාත්යාංශය නඩත්තු කිරීමට එවැනි මුදලක් වැය නො වන බව යි.
එවැනි මුදලක් වැය වන බව ඔප්පු කළ හොත් තමන් අමාත්ය ධුරයෙන් ඉවත් වීමට ද සූදානම් බව ඔහු අවධාරණය කළා.
එසේ ම, දිනය නිමා වන විට ඇඟ රිදෙන තුරු වැඩ කිරීමෙන් මිස තමාට හොඳ හැටි නින්ද නො යන බවත් සනත් නිශාන්ත අමාත්යවරයා සඳහන් කරනවා.
Share This Article