කොළඹ අතැර ගමේ පදිංචියට යන පිරිස වැඩිවෙලා
Saturday, 15 October 2022 - 15:02 | Views - 472
අධික ආහාර උද්ධමනය නිසා කොළඹ ඇතුළු ඒ අවට තදාසන්න ප්රදේශවල ජීවත්වීමේ අපහසුතාවය හේතුවෙන් යම් යම් පිරිස් පිට පළාත්වලට සංක්රමණය වීමේ ප්රවණතාවක් ඇතිවී තිබෙන බව පළාත් පාලන ආයතන ආරංචි මාර්ග පවසනවා.
එසේම, සමහරුන් පිට පළාත්වලින් ඉඩම් මිලදී ගෙන වගා කටයුතු සඳහා පෙළඹී සිටින බවද එම ආරංචි මාර්ග වැඩිදුරටත් පෙන්වා දෙනවා.
මෙසේ පිට පළාත් වලට සංක්රමණය වන පිරිසෙන් වැඩි දෙනෙක් නාගරික ප්රදේශයන්හි වගා කටයුතු සඳහා ඉඩකඩ නොමැති ඉඩකඩම්වල පදිංචිව සිටින අය බවටයි වාර්තා වන්නේ.
එසේම, වැසියන් මෙසේ පිටව ගොස් ඇත්තේ කොළඹ පිහිටි තම නිවාස කුලියට ලබා දීමෙන් පසුව බවටයි වාර්තා වන්නේ.
මේ අතර, කොළඹ ආහාර උද්ධමනය සියයට 70 දක්වා ඉහළ නැග ඇති බවද වාර්තා වනවා.
කෙසේ වෙතත්, දර කෑල්ලේ සිට සෑම දෙයක්ම වෙළඳපොළෙන් මිලදී ගැනීමට සිදුව ඇති හෙයින් කොළඹ ජීවත්වීම ඉතා දුෂ්කර බව පිට පළාත්වලට සංක්රමණය වූ පිරිස් සඳහන් කරනවා.
විශේෂයෙන්ම මහල් නිවාසවල ජීවත්වන පිරිස්වලට මෙම ප්රශ්නය දැඩිව බලපා ඇතැයි ඔවුහු වැඩිදුරටත් සඳහන් කර සිටිනවා.
(උපුටා ගැනීම - ලංකාදීප )
Share This Article