අදත් උණුසුම් වූ ගාලුමුවදොර|Hiru TV Blog

අදත් උණුසුම් වූ ගාලුමුවදොර

Monday, 10 October 2022 - 17:14 | Views - 419

අද සවස 3ට ගාලුමුවදොර භූමියේ දී ජනතා නිදහසට අත නොතබනු මැයෙන් තරුණ නීතිඥවරුන් සහ වෘත්තිකයන් සිදු කිරීමට නියමිත උද්ඝෝෂණය සාමකාමීව සිදු කළ හැකි බවත් එහෙත් ගාලුමුවදොර භාවිතා කරන සාමාන්‍ය ජනතාවට බාධාවක් නොවන අයුරින් එය සිදු කළ යුතු බව කොටුව මහේස්ත්‍රාත් තිළිණ ගමගේ පවසනවා.

එසේ සිදු නොකර ප්‍රචණ්ඩ ක්‍රියාවන් සිදු කරන්නේ නම් අපරාධ නඩු විධාන සංග්‍රහයේ ප්‍රතිපාදන අනුව කටයුතු කරන ලෙස කොටුව මහේස්ත්‍රාත් තිළිණ ගමගේ අද නියෝග කළා.

මෙහිදී අදහස් දක්වමින් ශ්‍රී ලංකා නීතිඥ සංගමයේ සභාපති ජනාධිපති නීතිඥ සාලිය පීරිස් කියා සිටියේ සාමකාමී රැස්වීමේ නිදහස තම සේවාදායකයන්ට අයිතියක් ඇති බව කියා සිටියා.

නීති විරෝධී කිසිවක් කිරීමට සැලසුම් නැති බව කියා සිටී ඔහු සාමකාමී අයිතිය නවත්වන්න ප්‍රතිපාදන අපරාධ නඩු විධාන සංග්‍රහයේ නැති බව අධිකරණයට දන්වා සිටියා.

මෙහිදී අදහස් දැක්වූ කොටුව පොලීසිය කියා සිටියේ නාගරික සංවර්ධන අධිකාරියේ අධ්‍යක්ෂ ජනරාල් නිශාන්ත ප්‍රනාන්දු සහ වරාය අධිකාරිය වෙනුවෙන් වසන්ත පුෂ්පකුමාර මෙම සිද්ධිය සම්බන්ධයෙන් මේ වනවිටත් පැමිණිලි කර ඇති බව කියා සිටියා.

සිය නියෝගය සිදු කරමින් මහේස්ත්‍රාත් වරයා මෙසේ සඳහන් කළා...

ගාලුමුවදොර සහ පොදු ස්ථාන වල රැස්වීමේ අයිතිය ඇති සේම එම ස්ථාන භාවිතා කිරීමටත් පොදු මහජනතාවටත් අයිතිය තිබෙනවා.

එම අයිතිය ආරක්ෂා කළ යුතු සේම ඒ අවට මාර්ගවල ගමන් කරන රථ වාහන වලට පුද්ගලිකව බාධා නොවන ලෙස උද්ඝෝෂනය කළ යුතුයි.

Share This Article