අදත් තද වැසි - මුහුදු නොයන්නැයි උපදෙස්
Monday, 03 October 2022 - 9:08 | Views - 311
බස්නාහිර සහ සබරගමුව පළාත්වලටත්, මහනුවර, නුවරඑළිය, ගාල්ල සහ මාතර දිස්ත්රික්කවලටත් අද වැසි ඇතිවන බව කාලගුණ විද්යා දෙපාර්තමේන්තුව සඳහන් කළා.
සබරගමුව පළාතේත්, මහනුවර සහ නුවරඑළිය දිස්ත්රික්කවලත් ඇතැම් ස්ථානවලට මිලිමීටර 100ට වැඩි තද වැසි ඇතිවිය හැකියි.
එමෙන්ම උතුර සහ වයඹ පළාත්වලටත් වැසි වාර කිහිපයක් ඇතිවිය හැකි බවද කාලගුණ විද්යා දෙපාර්තමේන්තුව සඳහන් කළා.
මධ්යම කඳුකරයේ බටහිර බෑවුම් ප්රදේශවලටත්, උතුර, උතුරුමැද සහ දකුණු පළාත්වලටත් ත්රිකුණාමලය සහ පුත්තලම දිස්ත්රික්කවලටත් පැයට කිලෝමීටර 55 ක පමණ තද සුළං ඇතිවිය හැකියි.
මේ අතර ඉදිරි පැය විසි හතර තුළ ගාල්ල සිට හම්බන්තොට හරහා පොතුවිල් දක්වා වෙරළට ඔබ්බෙන් වන මුහුදු ප්රදේශවල ධීවර කටයුතුවල නොයෙදෙන ලෙස දැනුම්දී තිබෙනවා.
එමෙන්ම ගාල්ල සිට කොළඹ හරහා මන්නාරම දක්වා වෙරළට ඔබ්බෙන් වන මුහුදු ප්රදේශවල ධීවර කටයුතු කිරීමේදී සැළකිලිමත් වන ලෙසයි දැනුම්දී ඇත්තේ.
Share This Article