අඩුවුණු ඉන්ධන ගාස්තුවෙන් අඩු නොවන ගාස්තුව
Sunday, 02 October 2022 - 9:53 | Views - 414
පෙට්රල් මිල පහත දැමුවද ත්රීරෝද ගාස්තු අඩු කිරීමට කටයුතු නොකරන බව ත්රීරෝද රථ සංගම් පවසනවා.
ඔවුන් පෙන්වා දෙන්නේ සතියකට ලබාදෙන ඉන්ධන කෝටාව සීමාසහිත බැවින් ත්රීරෝද රථ ගාස්තුව අඩු කිරීමට හැකියාවක් නොමැති බවයි.
ඊයේ මධ්යම රාත්රියේ සිට පෙට්රල් මිල පහත දැමුණා. ඒ අනුව, ඔක්ටේන් 92 වර්ගයේ පෙට්රල් ලීටරයක මිල රුපියල් 40 කින් අඩු කළ අතර එහි නව මිල රුපියල් 410 ක්.
ඔක්ටේන් 95 වර්ගයේ පෙට්රල් ලීටරයක මිලද රුපියල් 30 කින් පහත දැමීමටයි පියවර ගත්තේ. ඒ අනුව එහි නව මිල රුපියල් 510ක්.
කෙසේ වෙතත්, ඔටෝ ඩීසල්, සුපර් ඩීසල් සහ භූමිතෙල් මිල ගණන්වල සංශෝධනයක් සිදුවන්නේ නැහැ.
ලංකා ඛනිජ තෙල් සංස්ථාව අඩු කළ අගයන්ට සාපේක්ෂව මිල අඩු කිරීම සිදුකරන බව ලංකා අයි.ඕ.සී. සමාගම ද ප්රකාශ කළා.
ඉන්ධන මිල සූත්රයට අනුව සෑම මසකම පළමු වැනිදා සහ 15 වැනිදා මිල සංශෝධනයක් සිදුකිරීමට නියමිතයි. ඒ අනුවයි ඊයේ මෙලෙස පෙට්රල් මිල අඩු කිරීමට තීරණය කෙරුණේ.
Share This Article