21 වැනි සියවසට - බරපතල ගැටලුවක් ?
Sunday, 25 September 2022 - 10:48 | Views - 342
ජනතාවට 21වැනි සියවසේ මුහුණදීමට සිදුවන විශාලතම අර්බුදය වී ඇත්තේ කාලගුණ වෙනස්වීම් වලට මුහුණ දීම යැයි පරිසර විද්යාඥයෝ පවසනවා.ඒ සදහා කඩිනමින් පියවර නොගත හොත් දැඩි ආර්ථික ගැටලු වලටද මුහුණ පෑමට සිදුවන බවද ඔවුහු අනතුරු අඟවා තිබෙනවා. ඒ අනුව, විද්යුත් වාහන සහ සූර්ය කෝෂ විදුලිය වැනි පරිසරයට කාබන් මුදාහැරීම අවමව සිදුවන බල ශක්ති ආදියට ජනතාව යොමු කිරීම ඉදිරියේ දී පියවර ගතයුතු බවද ඔවුහු වැඩිදුරටත් සඳහන් කළා.ඊට ආසන්නතම නිදසුනක් ලෙස පකිස්ථානයට පසුගියදා ගංවතුරින් සිදුවූ දැඩි හානිය පෙන්වා දෙන අතර, ඉන් පකිස්ථානයේ හරි අඩක් පමණ වූ භූමියකට බලපෑම් ඇති වූ බවටයි සඳහන්. එසේම ඉන් රටේ ආර්ථිකයටද සියයට 09% පමණ බලපෑම් සිදුවී ඇති බවද විදෙස් මාධ්ය වාර්තා කර තිබෙනවා.කෙසේ වෙතත්, පොසිල ඉන්ධන, ගෑස්, වැනි පරිසරයට කාබන් ඩයොක්සයිඩ් වැඩිපුර මුදාහරින බල ශක්ති භාවිතය අවම කළ යුතු අතර,හරිත පරිසරයක් නිර්මාණය කිරීම සඳහා වැඩි අවධානයක් යොමු කල යුතු වනවා.මේ වන විට ඉන්දියාව එය අවබෝධ කරගෙන පමාවී හෝ හරිත පරිසරයක් සදහා යොමුවී ඇති බවද විදෙස් මාධ්ය සඳහන් කර තිබෙනවා.
(උපුටා ගැනීම - දිවයින )
Share This Article