ඉදිරි දින කිහිපයේ වැස්ස වැඩිවෙන හැඩ
Saturday, 24 September 2022 - 16:53 | Views - 446
ඉදිරි දින කිහිපයේදී ප්රදේශ කිහිපයක සවස් කාලයේදී ගිගුරුම් සහිත වැසි වර්ධනය වීමේ වැඩ හැකියාවක් පවතින බව කාලගුණ විද්යා දෙපාර්තමේන්තුව පවසනවා.
මේ අනුව 25, 26, 27 දිනවල දිවයිනේ උතුරු මැද, නැගෙනහිර සහ ඌව පළාත්වල සවස් කාලයේ ගිගුරුම් සහිත වැසි වර්ධනය වීමේ හැකියාවක් පවතින බවයි එම දෙපාර්තමේන්තුව කියාසිටියේ.
ඌව, උතුරු මැද, උතුර සහ නැගෙනහිර පළාත්වල තැනින් තැන සවස් කාලයේ හෝ රාත්රී කාලයේ වැසි හෝ ගිගුරුම් සහිත වැසි ඇති වනවා.
බස්නාහිර සහ සබරගමුව පළාත්වලත් ගාල්ල සහ මාතර දිස්ත්රික්වලත් වැසි ස්වල්පයක් ඇතිවිය හැකියි.
දිවයිනේ සෙසු ප්රදේශවල ප්රධාන වශයෙන් පවතින්නේ වැසි රහිත කාලගුණ තත්ත්වයක්.
කාලගුණ විද්යා දෙපාර්තමේන්තුව ජනතාවට දැනුම් දෙන්නේ ගිගුරුම් සහිත වැසි සමග ඇතිවිය හැකි තාවකාලික තද සුළංවලින් සහ අකුණු මගින් සිදුවන අනතුරු අවම කර ගැනීමට අවශ්ය පියවර ගන්නා ලෙසටයි.
Share This Article