දියමන්තිය ආපසු ඉල්ලන දකුණු අප්රිකාව
Tuesday, 20 September 2022 - 9:00 | Views - 3,625
දෙවැනි එලිසබත් රැජිනගේ අවමංගල කටයුතු අවසන් වීමත් සමඟ රැජිනගේ ඔටුන්නට සවි කර ඇති දියමන්තියක් ආපසු දකුණු අප්රිකාවට දෙන්නැයි, එරට දේශප්රේමී සංවිධානයක් බි්රතාන්ය රජ පවුලට දන්වා ඇති බව විදෙස් මාධ්යය සඳහන් කරනවා.
‘ග්රේට් ස්ටාර් ඔෆ් අප්රිකා’ එසේත් නැතිනම් ‘කලිනන් 1’ යන නමින් හැඳින්වෙන මෙම දියමන්තිය 1905 වසරේ දී දකුණු අප්රිකාවෙන් සොයා ගනු ලැබූවකි. මෙය දකුණු අප්රිකාවෙන් හමුවුණු විශාලතම දියමන්තිය පමණක් නොව, වටිනාම දියමන්තිය ද වෙන බව සඳහන්.
යටත් විජිත සමයේ යටත් විජිත පාලකයන් මෙම දියමන්තිය බ්රිතාන්ය රජ පවුලට පරිත්යාග කර තිබෙන අතර දියමන්තිය ඔටුන්නට සවි කෙරුණේ ඒ අනුවයි.
දකුණු අප්රිකා දේශප්රේමී ක්රියාකාරීන් පෙන්වා දෙන ආකාරයට, රැජිනගේ අභාවයෙන් පසු ‘කලිනන් 1’ දියමන්තිය පමණක් නොව, දකුණු අප්රිකාවෙන් හමුවී පසුව බි්රතාන්ය රජ පවුලට ලබා දුන් සෙසු දියමන්ති ද ආපසු අවශ්ය බවට දැනුම් දී තිබෙනවා. එම දියමන්ති සුදු පාලකයන් විසින් දකුණු අප්රිකාවෙන් කොල්ල කෑ බවට දේශප්රේමී ක්රියාකාරීහු චෝදනා ද නගන බවට සඳහන් වනවා.
(රොයිටර්)
(උපුටා ගැනීම - ලංකාදීප)
Share This Article