පුද්ගලයින්ගේ ආයු අපේක්ෂාව, අධ්යාපන සහ ආර්ථිකමය තත්ත්වයේ පසුබැස්සේ මෙහෙමයි
Thursday, 08 September 2022 - 15:42 | Views - 375
ගෝලීය කොරෝනා වසංගතයෙන් අනතුරු ව සිදු කරන ලද සමීක්ෂණයක දී පුද්ගලයින්ගේ ආයු අපේක්ෂාව, අධ්යාපන සහ ආර්ථිකමය තත්ත්වය පසුබැස්මකට ලක්ව ඇති බව එක්සත් ජාතීන්ගේ සංවිධානය පෙන්වා දෙනවා.
පසුගිය අවුරුදු දෙකක කාලසීමාව තුළ එක්සත් ජාතීන්ගේ මානව සංවර්ධන දර්ශකයේ රටවල් 10න් 09ක් මෙලෙස පසුබැසීමකට ලක්ව ඇති බවයි අදාළ සමීක්ෂණ වාර්තාවෙන් අනාවරණය වී ඇත්තේ.
කොරෝනා වසංගත තත්ත්වය, කාලගුණික විපර්යාස මෙන්ම රුසියා - යුක්රේන යුද්ධමය තත්ත්වය ඊට බලපා ඇති බව එක්සත් ජාතීන්ගේ සංවිධානය පෙන්වා දෙනවා.
ආයු අපේක්ෂාව, අධ්යාපන සහ ආදායම වැඩි රටවල් අතරින් ස්විස්ටර්ලන්තය පළමු ස්ථානයේ පසු වන අතර ආයු අපේක්ෂාව, අධ්යාපන සහ ආදායම අඩුම රටවල් අතරින් අවසාන ස්ථානයේ පසුවන්නේ දකුණු සුඩානය යි.
Share This Article