අදත් වැසි - තද වැසිත් බලාපොරොත්තු වන්න
Wednesday, 31 August 2022 - 7:01 | Views - 447
දිවයිනේ බොහෝ ප්රදේශවල විටින් විට වැසි හෝ ගිගුරුම් සහිත වැසි ඇති විය හැකි බව කාළගුණ විද්යා දෙපාර්තමේන්තුව පවසනවා.
ඒ අනුව, බස්නාහිර, දකුණු, සබරගමුව, මධ්යම සහ ඌව පළාත්වල ඇතැම් ස්ථානවලට මි.මී. 150 ට වැඩි ඉතා තද වැසි ඇතිවිය හැකි අතර සෙසු ප්රදේශවල ඇතැම් ස්ථානවලට මි.මී. 100 ක පමණ තද වැසි ද ඇතිවිය හැකියි.
මේ අතර, ගිගුරුම් සහිත වැසි සමග ඇතිවිය හැකි තාවකාලික තද සුළං වලින් සහ අකුණු මඟින් සිදු වන අනතුරු අවම කර ගැනීමට අවශ්ය පියවර ගන්නා ලෙස කාළගුණ විද්යා දෙපාර්තමේන්තුව ජනතාවගෙන් ඉල්ලා සිටිනවා.
තව ද, අද දින (31) දහවල් 12:10ට කප්පච්චි (වවුනියා දිස්ත්රික්කය), තම්මන්නේකුලම (අනුරාධපුර දිස්ත්රික්කය) සහ උප්පුවේලි (ත්රිකුණාමලය දිස්ත්රික්කය) යන ප්රදේශවලට හිරු මුදුන්ව පවතින බවයි කාළගුණ විද්යා දෙපාර්තමේන්තුව පවසන්නේ.
Share This Article