චීනයේ නිෂ්පාදිත පාකිස්ථාන යුද නෞකාව වන PNS Taimur මෙරටට ළඟා වී තිබෙනවා.
එම නෞකාව අද (12) පෙරවරුවේදී කොළඹ වරායට සේන්දු වුණා.
චීන නෞකාවේ පැමිණීම සම්බන්ධයෙන් ජාත්යන්තරයෙන් දැඩි කතාබහක් නිර්මාණය වී ඇති පසුබිමකදියි මෙම පාකිස්ථාන නෞකාව මෙරටට ළඟා වූයේ.
PNS ටයිමූර් නම් මෙම යුද නෞකාවට වේග ප්රහාරක අවි සහ මිසයිල දියත් කිරීමේ හැකියාව පවතින අතර, එය එළැඹෙන 15 වැනිදා පාකිස්ථානයට යාත්රා කිරීමට නියමිතව තිබෙනවා.
පාකිස්ථානයේ මෙම යුද නෞකාව කොළඹ වරායට පැමිණීමට පෙර බංග්ලාදේශයේ චිතගොං වරායට සේන්දු වීමට අවසර ඉල්ලා තිබුණත් එරට අග්රාමාත්යවරිය වන ෂෙයික් හසීනාගේ පාලනය ඊට අවසර ලබා දී තිබුණේ නැහැ.
චීන පර්යේෂණ නෞකාවට අවසර ලබා නොදීමත්, පාකිස්ථාන යුද නෞකාවට අවසර ලබාදීමත් හේතුවෙන් ශ්රී ලංකාව මේ වනවිට උභතෝකෝටික ප්රශ්නයකට මුහුණ දී ඇති බව ද විදෙස් මාධ්ය වාර්තා කර තිබුණා.