රක්ෂිත බන්ධනාගාර ගත කර සිටි ලංකා ගුරු සංගමයේ ප්රධාන ලේකම් ජෝෂප් ස්ටාලින් ඇප මත මුදාහැර තිබෙනවා.
ඒ, සැකකරු කොළඹ කොටුව මහේස්ත්රාත් තිළිණ ගමගේ හමුවට අද (08) ඉදිරිපත් කිරීමෙන් අනතුරුවයි.
රුපියල් ලක්ෂ පහ බැගින් වූ ශරීර ඇප දෙකක් මතයි මොහු මුදාහැර ඇත්තේ.
අධිකරණ නියෝග උල්ලංඝනය කරමින් කරමින් කොළඹ - කොටුව පොලිස් බල ප්රදේශය තුළ පිහිටි බැංකු මාවත ප්රදේශයේ උද්ඝෝෂණයක නිරතවීම ඇතුලු චෝදනා සම්බන්ධයෙන් ජෝෂප් ස්ටාලින් අත්අඩංගුවට ගනු ලැබුවේ පසුගිය 3 වනදායි.
මේ අතර ජනාධිපති මන්දිරයට ඇතුලුවීම ඇතුලු තවත් චෝදනා කිහිපයක් සම්බන්ධයෙන් අරගලයේ නියෝජිතයෙකු වූ පියත් නිකේෂල නැමැත්තා අද පෙරවරුවේ නීතීඥවරයෙකු මාර්ගයෙන් කොළඹ මධ්යම විමර්ශන කොට්ඨාසයට වෙත භාරවුණා.
පොලිසිය සඳහන් කළේ මේ වනවිට ඔහුගෙන් ප්රකාශ සටහන් කරගනිමින් සිටින බවයි.