විදුලි ගාස්තු සංශෝධනය ප්‍රකාශයට පත්කිරීම හෙට|Hiru TV Blog

විදුලි ගාස්තු සංශෝධනය ප්‍රකාශයට පත්කිරීම හෙට

Monday, 08 August 2022 - 7:54 | Views - 2,614

විදුලි ගාස්තු සංශෝධනය වන ආකාරය හෙට (09) ප්‍රකාශයට පත් කිරීමට නියමිතයි.

මහජන උපයෝගිතා කොමිෂන් සභාව මගින් එදිනට මාධ්‍ය හමුවක් පවත්වා ඒ පිළිබද නිල වශයෙන් දැනුම්දෙන බවයි එම කොමිෂන් සභාව සදහන් කළේ.

මීට අදාළව අද (08) දිනයේ මුදල් අමාත්‍යාංශය, විදුලිබල අමාත්‍යාංශය සහ මහජන උපයෝගිතා කොමිෂන් සභාව අතර සාකච්ඡාවක් පැවැත්වීමටද නියමිතයි.

නව ගාස්තු සංශෝධන සහ අඩු ආදායම්ලාභීන්ට ලබාදෙන සහන සම්බන්ධයෙන් මෙහිදී සාකච්ඡා කෙරෙනු ඇති. මහජන උපයෝගිතා කොමිෂන් සභාව විසින් මීට පෙර ගාස්තු සංශෝධන මහජන අදහස් විමසීම සදහා ප්‍රසිද්ධියට පත් කළා.

ඒ සදහා ඉදිරිපත් වූ යෝජනා සහ අදහස්ද සැලකිල්ලට ගනිමිනුයි නව ගාස්තු සංශෝධනය සිදු කෙරෙන්නේ.

එමෙන්ම අද (08) සිට බදාදා(10) දක්වා දිවයින පුරා පැයක කාලයක් පමණක් විදුලිය කප්පාදු කිරීමට අවසර ලබාදුන් බව මහජන උපයෝගිතා කොමිෂන් සභාව සදහන් කළා.

ඒ අනුව පස්වරු 06 සිට රාත්‍රි 09 දක්වා වූ කාලය තුළ විදුලිය විසන්ධි කිරීම සිදුකෙරෙන බවයි මහජන උපයෝගිතා කොමිසම වැඩිදුරටත් සඳහන් කළේ.

මේ අතර හෙට දිනයේ ගෘහස්ත ගෑස් සිලින්ඩරයක මිලද අඩු කිරීමට පියවර ගන්නා බව ලිට්රෝ සමාගමේ සභාපති මුදිත පීිරිස් ප්‍රකාශ කළා.

ඔහු කියා සිටියේ අද(08) පස්වරුවේ එම මිල අඩුවීම ප්‍රකාශයට පත් කරන බවයි.

Share This Article