අදත් ප්රදේශ කිහිපයකට තද වැසි සහ අකුණු
Thursday, 28 July 2022 - 15:46 | Views - 962

ප්රබල අකුණු පිළිබඳ කාලගුණ විද්යා දෙපාර්තමේන්තුවේ ස්වභාවික විපත් පිළිබඳ පූර්ව අනතුරු ඇගවීමේ මධ්යස්ථානය විසින් අවවාදාත්මක නිවේදනයක් නිකුත් කර තිබෙනවා.
අද පස්වරු 1.30ට මෙම නිවේදනය නිකුත් කර ඇත්තේ හෙට (29) රාත්රී 11 තෙක් වලංගු වන ආකාරයෙන්.
මේ අනුව සබරගමුව, මධ්යම, උතුරු මැද, වයඹ, ඌව, නැගෙනහිර සහ දකුණු පළාත්වල තැනින් තැන ගිගුරුම් සහිත වැසි සමග ප්රබල අකුණු ඇතිවීමේ වැඩි හැකියාවක් පවතිනවා.
මෙම ප්රදේශවල ඇතැම් ස්ථානවලට මිලිමීටර් 100ක පමණ තද වැසි ඇතිවිය හැකියි.
ගිගුරුම් සහිත වැසි ඇතිවන විට එම ප්රදේශවල තාවකාලිකව තද සුළං ඇතිවිය හැකි අතර අකුණු මගින් සිදුවන අනතුරු අවම කර ගැනීමට අවශ්ය පියවර ගන්නා ලෙසටයි ජනතාවගෙන් ඉල්ලීමක් කෙරෙන්නේ.
අකුණු සහ ගිගුරුම් පවතින අවස්ථාවල ආරක්ෂිත පියවර අනුගමනය කරන ලෙසට ජනතාවට දැනුම් දෙනවා.
ඒ අනුව එළිමහනේ හෝ ගස් යට නොසිටිය යුතු අතර ආරක්ෂිත ගොඩනැගිල්ලක් හෝ සංවෘත වාහනයක් තුල රැඳී සිටින ලෙසටයි උපදෙස් දී ඇත්තේ.
කුඹුරු, තේ වතු, ක්රීඩා පිටි මෙන්ම ජලාශ වැනි විවෘත ස්ථානවල රැඳී සිටීමෙන් වැලකිය යුතු වනවා.
රැහැන් සහිත දුරකතන සහ විදුලියට සම්බන්ධ කරන ලද විදුලි උපකරණ භාවිතයෙන් වැළකිය යුතුයි.
බයිසිකල්, ට්රැක්ටර් සහ බෝට්ටු වැනි විවෘත වාහන භාවිතයෙන් වළකින ලෙසට ද දැනුම් දෙනවා.
තද සුළං හේතුවෙන් ගස් හා විදුලි රැහැන් බිම ඇද වැටීමට ඉඩ ඇති බැවින් ඒ පිළිබඳ සැලකිලිමත් වන ලෙසටයි උපදෙස් ලබාදී ඇත්තේ.
හදිසි තත්ත්වයකදී ප්රාදේශීය ආපදා කළමනාකරණ මධ්යස්ථාන නිලධාරීන්ගේ සහය ලබාගන්නා ලෙසට ද කාලගුණ විද්යා දෙපාර්තමේන්තුව ප්රකාශ කරනවා.
Share This Article