ගම්පහ අධිකරණය ඉදිරිපිට සිදු වූ වෙඩි තැබීමකින් අපරාධකල්ලි සාමාජිකයෙකු වන රෝහිත පෙරේරා හෙවත් පස් පොඩ්ඩා ඇතුළු සිව් දෙනෙකු රෝහල් ගත කර තිබෙනවා.
අද දහවල් ඝාතන සිද්ධියකට අදාළ නඩුවකට පෙනී සිට කැබ් රථයකින් එම පිරිස පිටව යන අවස්ථාවේදී මෙම වෙඩි තැබීම සිදුකර ඇති බවයි පොලීසිය සඳහන් කළේ.
සිද්ධියෙන් තුවාල ලැබූ සිව් දෙනා මේ වනවිට ගම්පහ රෝහලට ඇතුළත් කර ඇති අතර ඔවුන්ගේ තත්ත්වය බරපතල බව රෝහල් ප්රකාශකයෙකු කියා සිටියා.
මෝටර් රථයකින් පැමිණි පිරිසක් මෙම වෙඩි තැබීම සිදුකර පලාගොස් ඇති බවයි පොලීසිය සඳහන් කළේ.