වජිර අබේවර්ධන අද(26) පාර්ලිමේන්තු මන්ත්රීවරයෙකු වශයෙන් කතානායකවරයා ඉදිරියේ දිවුරුම් දුන්නා.
ඒ එක්සත් ජාතික පක්ෂයේ ජාතික ලැයිස්තු මන්ත්රීවරයෙක් ලෙසයි.
එක්සත් ජාතික පක්ෂයේ ජාතික ලැයිස්තු මන්ත්රීවරයා ලෙස මීට පෙර පාර්ලිමේන්තුව නියෝජනය කළ රනිල් වික්රමසිංහ ජනාධිපතිවරයා බවට පත් වීමෙන් පුරප්පාඩු වූ මන්ත්රී ධුරයෙහි වජිර අබේවර්ධන දිවුරුම් දුන්නේ.
එසේ ම ජනාධිපති රනිල් වික්රමසිංහ තම පාර්ලිමේන්තු මන්ත්රී ධුරයෙන් ඉවත් වන බවට පාර්ලිමේන්තුවට නිල වශයෙන් දැනුම් දුන් ලිපිය පාර්ලිමේන්තු මහ ලේකම් ධම්මික දසනායක විසින් පාර්ලිමේන්තුවට ඉදිරිපත් කළා.
කෙසේ වෙතත්, දිනේෂ් ගුණවර්ධන අග්රාමාත්ය ධුරයට පත්වීමෙන් පසු පුරප්පාඩු වූ සභානායක ධූරය සදහා අධ්යාපන අමාත්ය සුසිල් ප්රේමජයන්ත පත් කර තිබෙනවා.
අමාත්ය ප්රසන්න රණතුංග, තවදුරටත් ආණ්ඩු පක්ෂයේ ප්රධාන සංවිධායක ධූරයේ කටයුතු කරනු ඇති.
එමෙන්ම, හදිසි නීතිය අදාල යෝජනාව අද පාර්ලිමේන්තුවට ඉදිරිපත් කර විවාද කිරීමෙන් අනතුරු ව සම්මත කර ගැනීමට ද නියමිත යි.