8 වැනි විධායක ජනපති ලෙස රනිල් වික්රමසිංහ දිවුරුම් දෙයි (Video)
Thursday, 21 July 2022 - 10:12 | Views - 656
ශ්රී ලංකාවේ 8 වැනි විධායක ජනාධිපතිවරයා ලෙස එක්සත් ජාතික පක්ෂයේ නායක රනිල් වික්රමසිංහ අද (21) දිවුරුම් දුන්නා.
ඒ පාර්ලිමේන්තු සංකීර්ණයේ දී, අගවිනිසුරු ජයන්ත ජයසුරිය ඉදිරිදී යි.
කෙසේ වෙතත්, අනුප්රාප්තික ජනපතිවරයෙක් තෝරා පත්කර ගැනීම සඳහා ශ්රී ලංකාවේ පළමුවරට ඊයේ (20) පාර්ලිමේන්තුව තුළ පැවැත්වූ ඡන්දයකින් පසුව ජනාධිපතිවරයා ලෙස රනිල් වික්රමසිංහ වැඩි ඡන්ද 134කින් තේරී පත් වුණා.
එසේම, රනිල් වික්රමසිංහ මීට පෙර අවස්ථා හයකදීම අගමැති ධුරයේ කටයුතු කර තිබීම විශේෂත්වයක්. පිලිවෙලින් 1993,2001,2015,නැවතත් 2015,2018,2022 වශයෙන් ඔහු අගමැති ධුරයේ ද , එසේම වැඩබලන ජනපති ධුරයේද කටයුතු කර තිබෙනවා.
එමෙන් ම , පළමු වරට රනිල් වික්රමසිංහ පාර්මේන්තුවට මන්ත්රීවරයෙක් ලෙස පැමිණෙන්නේ ද 1977 වර්ෂයේ අද වැනි දිනක වීම ද විශේෂත්වයක්. එවිට අද ජනපති ධුරයේ දිවුරුම් දෙනවිට ඔහු පාර්ලිමේන්තුවට පැමිණ අවුරුදු 45ක් වනවා.
එසේම, ලොව පළමු අගමැතිනිය වන සිරිමා බණ්ඩාරනායක දිවුරුම් දුන්නේ ද 1960 ජුලි 21 වැනි දිනයක වීම ද විශේෂත්වයක්.
Share This Article