වැඩබලන ජනපතිගේ විශේෂ ප්‍රකාශය
Friday, 15 July 2022 - 13:50 | Views - 1,760

වැඩ බලන ජනාධිපති රනිල් වික්‍රමසිංහ මීට සුළු මොහොතකට පෙර ජාතිය අමතනු ලැබුවා.

තමා වහා ම 19 වැනි ආණ්ඩුක්‍රම ව්‍යවස්ථා සංශෝධනය පත් වීමට නියමිත නව ජනාධිපතිට ක්‍රියාත්මක කිරීම සඳහා අවශ්‍ය පසුබිම මෙම දින වකවානු කිහිපය තුළ සිදු කරන බව වැඩබලන ජනාධිපති රනිල් වික්‍රමසිංහ අවධාරණය කළා.

වැඩබලන ජනාධිපති ලෙස තමා විශේෂ පියවර 2ක් ගන්නා බවත් ඒ අනුව ජනාධිපතිට මෙතෙක් භාවිත කළ 'අතිගරු' යෙදුම නිල වශයෙන් තහනම් කිරීමටත් ජනාධිපති කොඩිය අවලංගු කිරීමටත් කටයුතු කරන බව ඔහු අවධාරණය කළා.

වැඩිදුරටත් රනිල් වික්‍රමසිංහ මෙසේ ද පැවසුවා

මා මේ වගකීම භාරගත්තේ රට සහ ජනතාව ගැන හිතල යි.

මුලින්ම අපි රට ගොඩ නඟලා ඉමු. මේ අමාරු තත්ත්වයෙන් ගොඩ යමු. ඉන් පස්සේ අපිට පක්ෂ දේශපාලනයට යොමු වන්න පුළුවන්.

මම හැම විට ම ප්‍රජාතන්ත්‍රවාදී අරගළවලට ගරු කරනවා. අරගළකරුවන් හා කැරලිකරුවන් කියන්නේ, කොටස් දෙකක්. අපේ රටේ මේ කොටස් දෙක ම ඉන්නවා.

අරගළකරුවන්ට සාමකාමී ව එම කටයුතු කරගෙන යන්න පුළුවන්. නමුත් කැරළිකරුවන්ට එ‍රෙහි ව නීතිය ක්‍රියාත්මක කරනවා.

පසුගිය දා යුද හමුදා සෙබළුන් දෙදෙනෙකුට බරපතළ ලෙස පහර දුන්නා. ගිනි අවි දෙකක හා පතොරම් පැහැර ගත්තා. යුද හමුදාවේ 24 දෙනෙක් තුවාල ලබලා තියෙනවා.

මේ වන විටත් මේ කැරලිකරුවන් පාර්ලිමේන්තු මන්ත්‍රීවරුන්ට බලපෑම් කරමින් සිටිනවා. එළැඹෙන 20 වැනි දා පැවැත්වීමට නියමිත නව ජනාධිපතිවරයා තෝරා ගැනීමේ ඡන්දය සඳහා යි ඔවුන් එම බලපෑම කරන්නේ.

වැඩ බලන ජනාධිපතිවරයා හැටියට මන්ත්‍රීවරුන්ගේ ආරක්ෂාව හා පාර්ලිමේන්තුවේ ආරක්ෂාව රකින්න මම පියවර ගන්නවා.

මම හැම විට ම ප්‍රජාත්නත්‍රවාදීව යි කටයුතු කරන්නේ.

ව්‍යවස්ථාවට අනුව යි කටයුතු කරන්නේ.

මම කිසි විටකත් ව්‍යවස්ථාවට පිටින් වැඩ කරන්නේ නෑ.

රටේ නීති හා සාමය බිඳ වැටුණොත් ජනතාවට බොහෝ ප්‍රශ්නවලට මුහුණ දෙන්න සිදු වෙනවා.

ආහාර, ඉන්ධන, ගෑස්, විදුලිය සපයන්න අමාරු වෙන්න පුළුවන්. ඒ නිසා අපි නීතිය හා සාමය ආරක්ෂා කිරීමට පියවර ගන්න ඕනේ. හැමෝම එකතු වෙලා රට ගොඩනැඟීම සඳහා වන මේ මල් වට්ටියට අත ගහමු.
Share This Article
Hiru Tv Blog
ඌරන් අතර අතිශය වේගයෙන් ව්‍යාප්ත විය හැකි...
Hiru Tv Blog
දිවයින පුරා දැනට පවතින වැසි සහිත කාලගුණික...
Hiru Tv Blog
අපේ රටේ කලා ක්ෂේත්‍රය තුළ තමන්ටම ආවේණික වූ රංගන හැකියාවකින් සහ සොඳුරු සිනාවකින්...
Hiru Tv Blog
කාංචනා අනුරාධි කියන්නේ ගායන ලෝකයේ ඉන්න අදරණිය ගායිකාවක්.එළිමහන් ප්‍රසංග වේදිකාවක...
Hiru Tv Blog
පුංචි තිරයෙන් මෙන්ම සමාජ මාධ්‍ය ඔස්සේ ලාංකේය ප්‍රේක්ෂක හදවත් දිනාගත් සුන්දර...
Hiru Tv Blog
ලොව පුරා මිලියන 430කට අධික පිරිසක් දෛනිකව භාවිතා කරන මයික්‍රොසොෆ්ට් (Microsoft) සමාගමේ...
Hiru Tv Blog
ඉන්දීය ප්‍රකෝටිපති ව්‍යාපාරිකයකු විසින් සංවර්ධනය කරනු ලබන, මොළයට රුධිරය ගලා...
Hiru Tv Blog
ටෙස්ලා ආයතනය විසින් පියාඹන හැකියාව සහිත බව පවසන නව මෝටර් රථයක් හඳුන්වා දීමට...

පුංචි අන්දරේ

අකුරට යන වෙලාවේ

දිවිතුරා

සංසාරිණී

රැල්ල වෙරළට ආදරෙයි

Hiru News

Top