ඩීසල් නෞකා 03 ක් සහ පෙට්‍රල් නෞකාවක් අනිද්දා දිවයිනට
Friday, 15 July 2022 - 12:22 | Views - 239
ඉන්ධන නෞකා 03 ක්, අනිද්දා (17) දිවයිනට ළඟාවීමට නියමිතව ඇති බව ලංකා ඛනිජ තෙල් නීතිගත සංස්ථාව ප්‍රකාශ කළා.

මෙට්‍රික් ටොන් 40,000 බැගින් අඩංගු ඩීසල් නෞකා දෙකක් සහ ඩීසල් මෙට්‍රික් ටොන් 41,000 ක් රැගත් නෞකාවක් මෙලෙස දිවයිනට පැමිණීමට නියමිත බවයි එම සංස්ථාව නිවේදනය කළේ.

මේ වනවිට එම ඩීසල් නෞකා අතරින් දෙකකට සම්පූර්ණයෙන්ම මුදල් ගෙවා අවසන් කර ඇති අතර, ඉතිරි නෞකාව සඳහා ගොඩබෑමට පෙර මුදල් ගෙවීමට සංස්ථාව එකඟ වී තිබෙනවා.

එසේම, ඔක්ටේන් 95 වර්ගයේ පෙට්රල් මෙට්‍රික් ටොන් 35,000 ක් රැගත් නෞකාවක්ද අනිද්දා දිවයිනට ළඟා වන බවයි ඛනිජ තෙල් නීතිගත සංස්ථාව නිවේදනය කළේ.

ඊට 30% ක මුදලක් ගෙවා ඇති අතර, ඉතිරි මුදල ගෙවීමට ද කටයුතු සූදානම් කරමින් පවතිනවා.

ඔක්ටේන් 92 වර්ගයේ පෙට්රල් මෙට්‍රික් ටොන් 35,000 ක් රැගත් තවත් නෞකාවක් මේ මස 22 හෝ 23 වැනිදා දිවයිනට ළඟාවීමට නියමිතව තිබෙනවා.

ඒ සඳහා සම්පූර්ණයෙන්ම මුදල් ගෙවා අවසන් කර ඇති බවයි ඛනිජ තෙල් නීතිගත සංස්ථාව නිකුත් කළ නිවේදනයේ දැක්වෙන්නේ.

ඊට අමතරව දැවි තෙල් මෙට්‍රික් ටොන් 31,500 ක් රැගත් නෞකාවක් එළැඹෙන 21 වැනිදා දිවයිනට ළඟා වන අතර, ඊට අවශ්‍ය මුදල් ගෙවීමට කටයුතු සූදානම් කරමින් සිටින බවයි සංස්ථාව සඳහන් කළේ.

ඒ අනුව රට තුළ ඉදිරි සතිය වනවිට ඩීසල් මෙට්‍රික් ටොන් 124,000 ක් සහ පෙට්රල් මෙට්‍රික් ටොන් 70,000 ක තොග සංචිත ලංකා ඛනිජ තෙල් නීතිගත සංස්ථාව සතුව පවතිනු ඇති බව ඔවුන් නිකුත් කළ නිවේදනයේ වැඩිදුරටත් දැක්වෙනවා.

එසේම, සපුගස්කන්ද තෙල් පිරිපහදුවේ නිෂ්පාදන ක්‍රියාවලියට අවශ්‍ය බොරතෙල් මෙට්‍රික් ටොන් 90,000 ක් ආනයනය කිරීමට ද සංස්ථාව කටයුතු කරමින් සිටින බව ඛනිජ තෙල් නීතිගත සංස්ථාව ප්‍රකාශ කළා.

ඒ අනුව ඉදිරියේදී හිඟයකින් තොරව ඩීසල්, පෙට්රල් සහ අනෙකුත් ඉන්ධන පාරිභෝගික ජනතාවට ලබාදීමටත්, මේ වනවිට අත්‍යවශ්‍ය සේවාවලට පමණක් ඩීසල් නිකුත් කිරීමට ගෙන ඇති තීරණය ඉදිරි සතිය තුළ දී මෙම ඩීසල් තොග පැමිණීමෙන් පසු ඉවත් කිරීමටත් කටයුතු කරන බවයි ලංකා ඛනිජ තෙල් නීතිගත සංස්ථාව සඳහන් කළේ.

මේ අතර, තවමත් දිවයින පුරා පිරවුම්හල් අසල ඉන්ධන ලබා ගැනීම සඳහා දිගු පෝලිම් දක්නට ලැබෙනවා. 



Share This Article
Hiru Tv Blog
ඌරන් අතර අතිශය වේගයෙන් ව්‍යාප්ත විය හැකි...
Hiru Tv Blog
දිවයින පුරා දැනට පවතින වැසි සහිත කාලගුණික...
Hiru Tv Blog
අපේ රටේ කලා ක්ෂේත්‍රය තුළ තමන්ටම ආවේණික වූ රංගන හැකියාවකින් සහ සොඳුරු සිනාවකින්...
Hiru Tv Blog
කාංචනා අනුරාධි කියන්නේ ගායන ලෝකයේ ඉන්න අදරණිය ගායිකාවක්.එළිමහන් ප්‍රසංග වේදිකාවක...
Hiru Tv Blog
පුංචි තිරයෙන් මෙන්ම සමාජ මාධ්‍ය ඔස්සේ ලාංකේය ප්‍රේක්ෂක හදවත් දිනාගත් සුන්දර...
Hiru Tv Blog
ලොව පුරා මිලියන 430කට අධික පිරිසක් දෛනිකව භාවිතා කරන මයික්‍රොසොෆ්ට් (Microsoft) සමාගමේ...
Hiru Tv Blog
ඉන්දීය ප්‍රකෝටිපති ව්‍යාපාරිකයකු විසින් සංවර්ධනය කරනු ලබන, මොළයට රුධිරය ගලා...
Hiru Tv Blog
ටෙස්ලා ආයතනය විසින් පියාඹන හැකියාව සහිත බව පවසන නව මෝටර් රථයක් හඳුන්වා දීමට...

පුංචි අන්දරේ

අකුරට යන වෙලාවේ

දිවිතුරා

සංසාරිණී

රැල්ල වෙරළට ආදරෙයි

Hiru News

Top