පෝලිමේ ඉන්න එපා - ලිට්රෝ
Thursday, 16 June 2022 - 15:29 | Views - 503
මේ වන විට ලිට්රෝ සමාගම සතුව ඇති ගෑස් තොග නිකුත් කරනු ලබනුයේ අත්යවශ්ය සේවාවන් සඳහා පමණක් වන බැවින් තවදුරටත් ගෘහස්ථ ගෑස් සිලින්ඩර ලබා ගැනීම සඳහා පෝලිම්වල රැඳී නොසිටින ලෙස ලිට්රෝ සමාගම පවසනවා.
මේ අනුව පෙරේදා (14) දිනයේ මුදල් ගෙවා ගොඩබෑම් ආරම්භ කළ ගෑස් තොග බෙදාහරිනු ලබන්නේ ආදාහනාගාර, රෝහල් ඇතුළු අත්යවශ්ය සේවාවන් සඳහා පමණක් බවයි සමාගම පවසන්නේ.
කෙසේ වෙතත් එම ගෑස් තොග අවසන් වීමෙන් අනතුරුව මේ දක්වා නව ගෑස් මිල දී ගැනීම් සඳහා කිසිදු ඇණවුමක් ලබා දී නොමැති බවත් වාර්තා වනවා.
ඒ අනුව අවම වශයෙන් ඊළඟ ගෑස් තොගය දිවයිනට ළඟා වීමට අවම වශයෙන් තවත් සති තුනක කාලයක් පමණ ගත් වනු ඇති බවටයි ලිට්ට්රෝ ආරංචි මාර්ග සඳහන් කරන්නේ.
මේ අතර ඊයේ (15) සහ අද (16) දිනය පුරාත් ගෘහස්ථ ගෑස් සිලින්ඩර ලබා ගැනීම සඳහා ලිට්රෝ ගෑස් අලෙවි නියෝජිතයින් ඉදිරිපිට ඉතා දිගු පෝලිම් දක්නට ලැබුණා.
Share This Article