ධම්මික පෙරේරාගේ නම මැතිවරණ කොමිසම පිළිගනියි
Friday, 10 June 2022 - 17:08 | Views - 288
ශ්රී ලංකා පොදුජන පෙරමුණේ ජාතික ලැයිස්තු මන්ත්රී ධුරයක් වෙනුවෙන් මැතිවරණ කොමිසමට යොමු කළ ධම්මික පෙරේරාගේ නම එම කොමිසම විසින් පිළිගෙන තිබෙනවා.ඒ අනුව එය ගැසට් කිරීමට අනුමැතිය ලබාදුන් බවයි මැතිවරණ කොමිසම නිවේදනය කළේ.අද රැස්වූ මැතිවරණ කොමිෂන් සභාව විසින් මෙම තීරණය ගෙන තිබෙනවා.ව්යවස්ථාවේ 99(අ) ව්යවස්ථාව යටතේ පාර්ලිමේන්තු මන්ත්රීවරයෙක් වශයෙන් තෝරා පත්කර ගන්නා ද බැසිල් රෝහණ රාජපක්ෂ ඉල්ලා අස්වීම හේතුවෙන් පුරප්පාඩු වී ඇති මන්ත්රී ධුරය සඳහා 1981 අංක 1 දරන පාර්ලිමේන්තු මැතිවරණ පනතේ 64 (5) වගන්තිය ප්රකාරව කුලප්පු ආරච්චිගේ දොන් ධම්මික පෙරේරා පත් කර ගැනීමට අදාළ අති විශේෂ ගැසට් නිවේදනය නිකුත් කිරීමටයි මැතිවරණ කොමිෂන් සභාව තීරණය කර ඇත්තේ.මේ අතර ධම්මික පෙරේරා ශ්රී ලංකා පොදුජන පෙරමුණේ ජාතික ලැයිස්තු මන්ත්රීවරයෙකු ලෙසට නම් කිරීමේ ගැසට් නිවේදනය රජයේ මුද්රණාලයට යොමුකර තිබෙනවා.

Share This Article