ජනතාව පත්ව ඇති ආර්ථික තත්ත්වය හේතුකොටගෙන ණය වාරික ගෙවීම අද සිට නතර කරන බව ලීසිං හා ණය වාරික ගෙවන්නන්ගේ ඒකාබද්ධ සංගමය පෙන්වා දෙනවා.
ඊයේ (09) කොළඹ දී මාධ්ය හමුවක් කැඳවමින් එම සංගමයේ ප්රධාන ලේකම් අසංක රුවන් පොතුපිටිය පෙන්වා දුන්නේ, කරුණු පහක් සහිතව ලිපියක් ලීසිං හා බැංකු වෙත යවන බවත් ඒ සඳහා එකඟතාවක් ලැබෙන තුරුත් මෙම ගෙවීම් නතර කරන බව යි.
ලීසිං හා ණය වාරික යටතේ ලබා ගත් වාහනවලින් විවිධ ව්යාපාර සිදු කරන එම සංගමයේ සාමාජිකයන් ලක්ෂ දෙකකට වැඩි බව ත් ප්රධාන ලේකම්වරයා පවසනවා.
ඩීසල් මිල හා පෙට්රල් මිල ඉහළ ගොස් තිබෙන මෙවැනි වාතාවරණයක දී ලීසිං හෝ ණය ගෙවීමට හැකියාවක් නැති බවත් ඒ සඳහා සහනයක් ඉල්ලා කරුණු පහක් ඉදිරිපත් කරන බවත් ඒ සඳහා එකඟතාවක් ලැබෙන තුරු ලීසින් නො ගෙවන බවත් එම සංගමයේ ස්ථාවරය යි.