එයාර්ෆ්ලෝට් ගුවන් යානයට ශ්රී ලංකාවෙන් පිටත්වීම තහනම් කරමින් කොළඹ වාණිජ මහාධිකරණය ලබාදුන් වාරණ නියෝගය අත්හිටුවා තිබෙනවා.
රුසියානු එරෝෆ්ලොට් ගුවන් යානය කටුනායක ගුවන් තොටුපොලේ රඳවාගන්නා ලෙස නිකුත් කළ නියෝගය ඉවත් කරන ලෙසට යි නීතිපතිවරයා කොළඹ වානිජ මහාධිකරණයෙන් ඉල්ලීමක් කර තිබුණේ.
ඒ, මෙම ගුවන් යානය සම්බන්ධයෙන් විශේෂ කරුණු දැක්වීමක් සඳහා මෙම නඩුව විවෘත අධිකරණය හමුවේ කැඳවන ලෙසට නීතිපතිවරයා කොළඹ වානිජ මහාධිකරණය හමුවේ ගොනුකළ මෝසම සම්බන්ධයෙන් කරුණු දක්වමින්.
මේ අතර, රුසියානු ගුවන් යානය රඳවාගැනීමට විරෝධය පළ කරමින් ශ්රී ලංකා සංචාරක සේවා සපයන්නන්ගේ සංගමයේ පිරිසක් මල්පාරේ පිහිටි අග්රාමාත්ය කාර්යාලය ඉදිරිපිට අද විරෝධතාවක නිරතවුණා.
පසුව ඔවුන් කොළඹ රුසියානු තානාපති කාර්යාලය වෙත පා ගමනින් ගියේ, තානාපතිවරයා වෙත සන්දේශයක් භාරදීම සඳහායි.