බණ්ඩාරගමල අටලුගම ප්රදේශයේදී අතුරුදන් වූ නව හැවිරිදිල ෆාතිමා අයීෂා දැරියගේ සිරුර හමුවී තිබෙනවා.
ඒ එම දැරියගේ නිවස ආසන්න ප්රදේශයේ වගුරු බිමක තිබියදීයි.
පොලිස් මාධ්ය ප්රකාශක ජ්යෙෂ්ඨ පොලිස් අධිකාරි නිහාල් තල්දූව මේ බව තහවුරු කළා.
මෙම දැරියගේ අතුරුදන් වීම සම්බන්ධයෙන් පොලිසියට පැමිණිලි ලැබීමත් සමග ඇය සොයා පොලිස් කණ්ඩායම් කිහිපයක් මේ විමර්ශන ආරම්භ කර තිබුණා.
බණ්ඩාරගම, අටුළුගම, අල් ගස්සාලි මහා විද්යාලයේ සිව්වැනි ශ්රේණියේ ඉගෙනුම ලබන මෙම දැරිය ඊයේ පෙරවරුවේ සිට අතුරුදන් බවටයි ඇගේ මව පොලිසියට පැමිණිලි කර තිබුණේ.
අදාළ දැරිය ඊයේ පෙරවරු 10ට පමණ නිවසට මීටර 250ක පමණ දුරින් පිහිටි වෙළෙඳසැලකට ගොස් ඇති අතර යළි නොපැමිණීම හේතුවෙන් සිදුකළ සොයා බැලීමකදි, ඇය අතුරුදන්ව ඇති බවට හෙළි වී තිබෙනවා.
ඇය වෙළෙඳසැලට ගොස් පිටතට පැමිණෙන ආකාරය සී.සී.ටී.වී කැමරාවක ද සටහන්ව තිබුණා.