තවත් ඇමතිවරු 10ක් අද දිවුරුම් දෙයි ?
Monday, 23 May 2022 - 9:48 | Views - 1,029

ආණ්ඩුවේ තවත් කැබිනට් අමාත්යවරුන් 10 දෙනෙකු අද (23) දිවුරුම්දීමට නියමිත බව රජයේ ආරංචි මාර්ග සඳහන් කළා.
ශ්රී ලංකා නිදහස් පක්ෂයෙන් ආණ්ඩුවට එක්වන මන්ත්රීවරුන් මෙන්ම මීට පෙර කැබිනට් මණ්ඩලයේ සිටි පොදුජන පෙරමුණේ ඇමතිවරු කිහිපදෙනෙකු ද අද දිවුරුම් දෙන පිරිසට ඇතුළත් බවයි වාර්තාවන්නේ.
ජනාධිපතිවරයා, අගමැතිවරයා හැරුණුවිට කැබිනට් මණ්ඩලයෙ ඇමතිවරු 13 දෙනෙකු මේ වනවිට දිවුරුම්දී ඇති අතර, අද දිවුරුම්දෙන 10 දෙනාද සමඟ ඇමති මණ්ඩලය 23 දක්වා ඉහළ යනවා.
මේ අතර, 21 වන ආණ්ඩුක්රම ව්යවස්ථා සංශෝධනය පිළිබද යෝජනා කෙටුම්පත අද අමාත්ය මණ්ඩලයට ඉදිරිපත් කරන බව අධිකරණ, බන්ධනාගාර කටයුතු හා ආණ්ඩුක්රම ව්යවස්ථා ප්රතිසංස්කරණ අමාත්ය ආචාර්ය නීතිඥ විජයදාස රාජපක්ෂ ප්රකාශ කළා.
එම යෝජනා කෙටුම්පත සම්බන්ධයෙන් දැනටමත් නීතිපතිවරයා සමග සාකච්ඡා කර ඇති බවත් එය අමාත්ය මණ්ඩලයේ අනුමත වූ පසු නීතිපතිවරයාගේ යළි අනුමැතියට ඉදිරිපත් කර ගැසට් කිරීමට පියවර ගන්නා බවත් ඔහු කියා සිටියා.
මේ අතර, විදේශ අමාත්යාංශයේ නව ලේකම් ධුරයට අරුණි විජේවර්ධන පත් කර තිබෙනවා.
එම අමාත්යාංශයේ අතිරේක ලේකම්වරියක ලෙස කටයුතු කර විශ්රාම ගෙන සිටින ඇය තානාපති සේවයේ ද කටයුතු කළ අයෙක්.
එමෙන්ම, අරුණි විජේවර්ධන අද විදේශ අමාත්යාංශ ලේකම් ධුරයේ වැඩ භාර ගැනීමට ද නියමිත බවයි ආරංචි මාර්ග සදහන් කළේ.
Share This Article