ඇඳිරි නීතිය අද පෙරවරු හයේ සිට පැය හතක කාලසීමාවකට ඉවත් කිරීමත් සමඟ දුම්රිය ධාවනය අද පෙරවරුවේ ආරම්භ වූ බව දුම්රිය දෙපාර්තමේන්තුව සඳහන් කළා.
ඒ අනුව දුම්රිය ගමන් වාර 102ක් ධාවනයට එක් කර තිබෙනවා.
එම දෙපාර්තමේන්තුව වැඩිදුරටත් සඳහන් කළේ, දුම්රිය සේවකයන් රාජකාරියට වාර්තා කිරීමත් සමඟ අද පෙරවරුවේ සිට කාර්යාල දුම්රිය කිහිපයක් ධාවනය වෙමින් පවතින බවයි.
මේ අතර රාජ්ය සහ පෞද්ගලික බැංකු අද පෙරවරු 11 දක්වා ගණුදෙනු සඳහා විවෘතව පවතින බවයි එම බැංකුවලට අදාළ වෙබ් අඩවිවල දැක්වෙන්නේ.
එසේම ආගමන විගමන දෙපාර්තමේන්තුවේ සහ මෝටර් රථ ප්රවාහන කොමසාරිස් දෙපාර්තමේන්තුවේ සේවා කටයුතු අද දිනයේ දී සිදු කෙරෙනවා.
කෙසේ නමුත් සීමිත සේවක පිරිසක් යටතේ අදාළ ආයතනවලින් ලබාදෙන සේවාවන් සීමාවිය හැකි බවයි එම ආයතනවල ප්රධානීන් සඳහන් කළේ.