නව අගමැති පිළිගන්නේ නෑ - කාදිනල් හිමි
Thursday, 12 May 2022 - 17:34 | Views - 887
පත්වන නව අගමැතිවරයා පිළිගැනීමට සූදානම් නොමැති බව කොළඹ අගරදගුරු අති උතුම් මැල්කම් කාදිනල් රංජිත් හිමිපාණන් පවසනවා.

කොළඹ අද පැවති මාධ්‍ය හමුවකට එක්වෙමින් උන්වහන්සේ කියාසිටියේ මෙය නාට්‍යයක් පමණක් වන බවයි.

තාවකාලික අන්තර් පාලන ආණ්ඩුවක් පිහිටුවීම ඇතුලු යෝජනා ඇතුලත් මහනායක හිමිපාණන් වහන්සේලා ඉදිරිපත් කළ යෝජනාවලිය සම්බන්ධයෙන් ද කාදිනල් හිමිපාණන් මෙහිදී අවධානය යොමු කළා.

උන්වහන්සේ පෙන්වා දුන්නේ එම යෝජනාවලිය තුල දක්වා ඇත්තේ අගමැතිවරයා ලෙසට පත් කිරීමට යෝජනා කර ඇත්තේ නිර්පාක්ෂික ස්වාධීන පුද්ගලයෙකු වන බවයි.

මහනායක ස්වාමින් වහන්සේලාගේත් වෙනත් ආගමික නායකයන්ගේත් මහජනතාවගේත් අභිලාෂයන් සලකා බලා ඉදිරිපත් කරනු ලැබූ එම යෝජනාවන්ට සිදුවූයේ කුමක් ද යන්න ජනාධිපතිවරයාගෙන් විමසන බව ද කාදිනල් හිමිපාණන් සඳහන් කළා.

ජනතා නියෝජිතයන්ට අවශ්‍ය ආකාරයෙන් ඔලු මාරු කරමින් ජනතාවගේ හෙට දවසත් රටේ අනාගතයත් ජනතා අභිලාෂත් සමග සිදු කරන දේශපාලන සූදුව හෙළා දකින බවයි උන්වහන්සේ කියාසිටියේ.

එමෙන්ම මෙම ක්‍රීඩාව වහාම නතර කරන ලෙසට ඉල්ලා සිටින අතර රටේ ජනතාව බලාපොරොත්තු වන වෙනස මෙය නොවන බව ද අගරදගුරු හිමිපාණන් ප්‍රකාශ කරනවා.

මෙය ඉතා බරපතල ආකාරයෙන් ජනතා මතයට විරුද්ධ වීමක් බව ද උන්වහන්සේ පෙන්වා දෙනවා.

ජනතාවගෙන් ප්‍රතික්ෂේප වූ ස්වාධීන නොවන පුද්ගලයෙකු අගමැති ධුරයට පත් කිරීමට ජනාධිපතිවරයා දරන උත්සාහයත් ඊට සහය දක්වන පාර්ලිමේන්තුවේ ජනතා නියෝජිතයන් ජනතාව ප්‍රතික්ෂේප කරන බව කාදිනල් හිමිපානන් සඳහන් කරනවා.

රටේ පවතින අවාසනාවන්ත තත්ත්වය වෙනස් කර යහපත් මාර්ගයකට ගැනීමට නම් රට විනාශ වීමට හේතු සොයා බලා ඊට නිසියාකාර පිළියම් යෙදීම කළ යුතු බවයි උන්වහන්සේ කියාසිටියේ.

එබැවින් පත් කිරීමට යන නව අගමැතිවරයා හෝ නව රජය පිළිනොගන්නා බව කාදිනල් හිමිපාණන් අවධාරණය කළා. 


Share This Article
Hiru Tv Blog
ඌරන් අතර අතිශය වේගයෙන් ව්‍යාප්ත විය හැකි...
Hiru Tv Blog
දිවයින පුරා දැනට පවතින වැසි සහිත කාලගුණික...
Hiru Tv Blog
අපේ රටේ කලා ක්ෂේත්‍රය තුළ තමන්ටම ආවේණික වූ රංගන හැකියාවකින් සහ සොඳුරු සිනාවකින්...
Hiru Tv Blog
කාංචනා අනුරාධි කියන්නේ ගායන ලෝකයේ ඉන්න අදරණිය ගායිකාවක්.එළිමහන් ප්‍රසංග වේදිකාවක...
Hiru Tv Blog
පුංචි තිරයෙන් මෙන්ම සමාජ මාධ්‍ය ඔස්සේ ලාංකේය ප්‍රේක්ෂක හදවත් දිනාගත් සුන්දර...
Hiru Tv Blog
ලොව පුරා මිලියන 430කට අධික පිරිසක් දෛනිකව භාවිතා කරන මයික්‍රොසොෆ්ට් (Microsoft) සමාගමේ...
Hiru Tv Blog
ඉන්දීය ප්‍රකෝටිපති ව්‍යාපාරිකයකු විසින් සංවර්ධනය කරනු ලබන, මොළයට රුධිරය ගලා...
Hiru Tv Blog
ටෙස්ලා ආයතනය විසින් පියාඹන හැකියාව සහිත බව පවසන නව මෝටර් රථයක් හඳුන්වා දීමට...

පුංචි අන්දරේ

අකුරට යන වෙලාවේ

දිවිතුරා

සංසාරිණී

රැල්ල වෙරළට ආදරෙයි

Hiru News

Top