අමාත්යාංශ කිහිපයක හිටපු ලේකම්වරු යළිත් එම ධුරවලට
Wednesday, 11 May 2022 - 13:31 | Views - 1,380
ආරක්ෂක, මහජන ආරක්ෂක සහ මුදල් අමාත්යාංශයේ ලේකම්වරුන් යළි එම ධුරවලට ජනාධිපතිවරයා විසින් පත් කර තිබෙනවා.
ඒ අනුව ආරක්ෂක අමාත්යාංශයේ ලේකම්වරයා ලෙස විශ්රාමික ජෙනරාල් කමල් ගුණරත්න, මහජන ආරක්ෂක අමාත්යාංශයේ ලේකම්වරයා ලෙස විශ්රාමික මේජර් ජෙනරාල් ජගත් ද අල්විස් සහ මුදල් අමාත්යාංශ ලේකම්වරයා ලෙස මහින්ද සිරිවර්ධන එම ධුරවල තවදුරටත් කටයුතු කරනු ඇති.
අග්රාමාත්යවරයා ඉල්ලා අස්වීමෙන් පසු අමාත්යාංශ ලේකම්වරුන් ද අහෝසි වන අතර රටේ කටයුතු ඉදිරියට අඛණ්ඩව පවත්වාගෙන යාම සඳහායි යළි එම ධුරවලට මෙම පත් කිරීම් සිදුකර ඇත්තේ.
ඊයේ දින සිට මෙම පත් කිරීම් බලාත්මක බව ජනාධිපති කාර්යාලය සඳහන් කළා.
Share This Article