ගිනිකොණ දිග බෙංගාල බොක්ක ආශ්රිතව පැවති පීඩන අවපාතය මේ වනවිට ගැඹුරු පීඩන අවපාතයක් බවට වර්ධනය වී ඇති අතර, ඉදිරි පැය කිහිපය තුළ සුළි කුණාටුවක් දක්වා වර්ධනය විය හැකි බව කාලගුණ විද්යා දෙපාර්තමේන්තුව පවසනවා.
එමෙන්ම එය, අද (08) පස්වරුවේ නැගෙනහිර - මධ්යම බෙංගාල බොක්ක හරහා චණ්ඩ සුළි කුණාටුවක් බවට වර්ධනය වීමට ඉඩ ඇති බවයි එමඟින් දැනුම් දෙන්නේ.
ඒ අනුව එම මුහුදු ප්රදේශවල නැවත දැනුම්දෙනතුරු බහුදින ධීවර යාත්රා ගමන් නොකරන ලෙස කාලගුණ විද්යා දෙපාර්තමේන්තුව දැනුම්දෙනවා.
එම ප්රදේශ ආශ්රිතව සුළඟේ වේගය පැයට කිලෝමීටර 90 දක්වා ඉහළ යා හැකි බැවින් මුහුද ඉතා රළු විය හැකියි.
මේ වනවිට එම මුහුදු ප්රදේශවල ධීවර කටයුතුවල යෙදී සිටින බහුදින ධීවර යාත්රා වහාම ගොඩබිමට හෝ ආරක්ෂිත ස්ථානයක් වෙත පැමිණෙන ලෙසටයි කාලගුණ නිවේදනයේ සඳහන්කර ඇත්තේ.
මේ අතර දිවයිනේ බස්නාහිර සහ සබරගමුව පළාත්වලත්, ගාල්ල සහ මාතර දිස්ත්රික්කවලත් සවස් කාලයේ තැනින් තැන වැසි ඇතිවිය හැකි කාලගුණ විද්යා දෙපාර්තමේන්තුව සඳහන් කළේ.