කිරිපිටි මිලත් නුදුරේදීම නැවතත් ඉහළ යන හැඩ
Friday, 22 April 2022 - 10:09 | Views - 1,058
ආනයනික කිරිපිටි මිල ඉදිරි සතියේදී බෙහෝ දුරට ඉහළ දමනු ඇති බව කිරිපිටි ආනයනකරුවන්ගේ සංගමයේ මාධ්ය ප්රකාශක අශෝක බණ්ඩාර සඳහන් කළා.
ඔහු වැඩිදුරටත් කියා සිටියේ, මේ වන විට කිරිපිටි තොග අවසන් බවත් නැවත ආනයනික කිරිපිටි තොග ලැබීමෙන් අනතුරුව
මිල ගණන් සංශෝධන සම්බන්ධයෙන් සාකච්ඡා කර මිල ගණන් ප්රකාශයට පත් කිරීමට කටයුතු කරන බවයි.
කෙසේ වෙතත් ආනයනික කිරිපිටි මිල මාර්තු 19 වන දා ඉහළ දැමූ අතර ඒ අනුව, ග්රෑම් 400 කිරිපිටි පැකට්ටුවක මිල රු. 250කින් සහ කිලෝ ග්රෑම් 1 පැකට්ටුවක මිල රු. 600කින් ඉහළ දැමීමට කටයුතු කළ අතර, ඉන් පසුව ග්රෑම් 400 කිරිපිටි පැකට්ටුවක් වෙළෙඳපොළේ අලෙවි වන්නේ රුපියල් 790කටයි. එසේම කිලෝග්රෑම් 1 පැකට්ටුවක් රු. 1945ක මිලකට දැනට අලෙවි කරනු ලබනවා.
Share This Article