ජාත්යන්තර මූඩි ආයෝජන සේවාව මගින් ශ්රී ලංකාවේ ණය ගෙවීමේ හැකියාව හෙවත් ක්රයශක්ති වර්ගීකරණය පහත හෙලා තිබෙනවා.
ඒ, විදේශ ණය මුදල් පියවීම අත්හිටුවීමට රජය ගනු ලැබූ තීරණයත් සමගයි.
මූඩි ආයෝජන සේවාව මගින් මෙතෙක් සී.ඒ.ඒ. ටූ ලෙස ලබාදී තිබූ මෙරට ණය ශක්ති වර්ගීකරණය පහත හෙළා ඇත්තේ සී.ආර් ලෙසින්.
මෙරට විදේශ ණය වාරික පියවීම් පළමු පැහැර හැරීමට ලක්වීමට නියමිතව තිබුණේ ඊයේ (17) දිනයේදියි.
මූඩි අයෝජන සේවාව සඳහන් කළේ පෞද්ගලික අංශයේ ණය දායකයන්ට මෙරට ණය ප්රතිව්යුහගත කිරීමේදී පාඩු සිදුවීමේ අවදානම ඉහළ මට්ටමක පවතින බවයි.
විදේශ සංචිතය පිරිහීම, ගෙවුම් ශේෂ හිගය ඉහළ යාම,ආහාර සහ ඉන්ධන මිල ඉහළ මට්ටමක පැවතීම මෙන්ම සංචාරක ක්ෂේත්රය සහ ඍජු විදේශ ආයෝජන ප්රකෘතිමත්වීම මන්දගාමී වීම ද මෙරට ආර්ථිකයේ ඍණාත්මක ප්රවණතාවන් ලෙස මූඩි ආයෝජන සේවාව හඳුන්වනු ලැබුවා.