මෙවර සිංහල අවුරුදු නැකත් යෙදෙන්නේ මෙහෙමයි
Monday, 11 April 2022 - 15:53 | Views - 845

අලුත් අවුරුදු උදාවට ඇත්තේ තව නොබෝ දිනයකි. ළඟ ළඟම එන අවුරුදු උදාව මේ වසරේ එතරම් සරු සාරෙට නැති වුණත්, ප්රශ්න ගැටළු රාශියක් මැද්දේ වුණත්, සිංහල - බුදු දහමට මුල්තැන දෙන රටක් විදියට අපි අපේ සිංහල අවුරුදු චාරිත්ර ටිකවත් කරන්න ඕනේ කියන එක සියල්ලගේම පැතුමක්. ඉතින් ඔන්න ඔය කියන අවුරුදු චාරිත්ර මේ අවුරුදු උදාවේ යෙදිලා තියෙන්නේ මෙන්න මේ විදිහට....2022 වසරේ අලුත් අවුරුදු නැකැත් සීට්ටුව පරණ අවුරුද්ද සඳහා ස්නානය -අප්රේල් මස 13 වෙනි බදාදා දින කොහොඹ පත් යුෂ මිශ්ර නානු ගා ස්නානය කිරීම.පුණ්ය කාලය -අප්රේල් මස 14 වන බ්රහස්පතින්දා ( පාන්දර )පූර්ව භාග 02.17 තත්පර 17 සිට එදින අපර භාග 03.05 තත්පර 17 දක්වා පුණ්ය කාලය බැවින් අප්රේල් මස 14 වන බ්රහස්පතින්දා දින පූර්ව භාග 02.17 ට පළමුව ආහාර පාන ගෙන සියලු වැඩ අත්හැර ආගමික වතාවත්වල යෙදීම ද පුණ්ය කාලයේ අපර කොටස තුළ එනම්, 14 වන බ්රහස්පතින්දා දින පූර්ව භාග 08.41 තත්පර 17 සිට අපර භාග 03.05 තත්පර 17 දක්වා කාලය තුළ පහත දැක්වෙන අයුරින් ආහාර පිසීම, වැඩ ඇල්ලීම, ගනුදෙනු කිරීම හා ආහාර අනුභවය ආදී නැකත් චාරිත්ර ක්රම ඉටු කිරීම.අලුත් අවුරුදු උදාව -අප්රේල් මස 14 වෙනි බ්රහස්පතින්දා දින පූර්ව භාග 08.41 තත්පර 17ට සිංහල අලුත් අවුරුද්ද උදා වේ. ආහාර පිසීම -අප්රේල් මස 14 වෙනි බ්රහස්පතින්දා පූර්ව භාග 09.05 ට රන්වන් පැහැති වස්ත්රාභරණයෙන් සැරසී නැගෙනහිර දිශාව බලා ලිප් බැඳ, ගිනි මොළවා. දීකිරි මිශ්ර කිරිබතක් හා උඳු පිටි මිශ්ර කැවිලි වර්ගයක්ද පිළියෙල කර ගැනීම.වැඩ ඇල්ලීම, ගනුදෙනු කිරීම හා ආහාර අනුභවය -අප්රේල් මස 14 වෙනි බ්රහස්පතින්දා පූර්ව භාග 10.17ට රන්වන් පැහැති වස්ත්රාභරණයෙන් සැරසී නැගෙනහිර දිශාව බලා සියලු වැඩ අල්ලා ගනුදෙනු කොට ආහාර අනුභවය කිරීම.හිසතෙල් ගෑම -අප්රේල් මස 17 වෙනි ඉරිදා දින උදේ 07.04ට රතු සහ කහ මිශ්ර වර්ණ (තඹ පැහැති) වස්ත්රාභරණයෙන් සැරසී දකුණු දිශාව බලා හිසට ඉඹුල් පත්ද පයට නුග පත් ද තබා ඉඹුල් පත් යුෂ මිශ්ර නානු ද තෙල්ද ගා ස්නානය කිරීම.රැකීරක්ෂා සඳහා පිටත්ව යෑම -අප්රේල් මස 18 වන සඳුදා උදේ 06.51 ට සුදු පැහැති වස්ත්රාභරණයෙන් සැරසී, දීකිරි මිශ්ර කිරිබතක් සහ කැවිලි වර්ගයක් අනුභව කර දකුණු දිශාව බලා පිටත්ව යෑම.
Share This Article