අද කැඳවා තිබූ විශේෂ කැබිනට් සාකච්ඡාව අවසානයේ දැඩි වාද විවාද මධ්යයේ සමස්ත කැබිනට් මණ්ඩලයම ඉල්ලා අස්වීමට තීරණය කර තිබෙනවා.
මීට පෙර වාර්තා වූයේ මෙම කැබිනට් මණ්ඩල රැස්වීමේ දී ඉදිරිපත්වූ සමූහ ඉල්ලා අස්වීමේ ලේඛනයට අත්සන් තැබීමට මුදල් අමාත්ය බැසිල් රාජපක්ෂ, විදේශ අමාත්ය මහාචාර්ය ජී එල් පීරිස් සහ අධ්යාපන අමාත්ය දිනේෂ් ගුණවර්ධන එකඟ නොවූ බවටයි.
කෙසේවෙතත් දීර්ඝ සාකච්ඡාවකින් අනතුරුව සියලු අමාත්යවරුන්ගේ එකගතාවයෙන් සමස්ත කැබිනට් මණ්ඩලය ඉල්ලා අස්වීමේ ලිපිය ජනාධිපතිවරයා වෙත යොමු කර තිබෙනවා.
up date...
ජනාධිපති වරයා විසින් කැඳවා තිබූ විශේෂ කැබිනට් රැස්වීම මීට ටික වේලාවකට පෙර අවසන් වුණා. උණුසුම් වාද විවාද වලින් පිරී තිබුණු මෙම කැබිනට් රැස්වීමේ දී සමස්ත කැබිනට් මණ්ඩලයම ඉල්ලා අස්වීමේ යෝජනාවක් ඉදිරිපත් වී තිබෙනවා. ඒ අනුව සමස්ත කැබිනට් මණ්ඩලයම ඉල්ලා අස්වන බවට පත්රිකාවකට අත්සන් ලබාගෙන ඇති අතර අමාත්ය මහින්ද අමරවීර එම ලේඛනයට පළමුව අත්සන් තැබූ බවයි වාර්තා වන්නේ. ඒ සමග යමින් අමාත්ය නිමල් සිරිපාල ද සිල්වා, මහින්දානන්ද අලුත්ගමගේ, රෝහිත අභයගුණවර්ධන යන අමාත්යවරුන් ද එම ලේඛනයට අත්සන් තබා ඇති බවයි වාර්තා වන්නේ. කෙසේ වෙතත් මෙම ලේඛනයට අත්සන් තැබීමට මුදල් අමාත්ය බැසිල් රාජපක්ෂ, විදේශ අමාත්ය මහාචාර්ය ජී. එල් පීරිස්, අධ්යාපන අමාත්ය දිනේෂ් ගුණවර්ධන ඇතුළු පිරිසක් එකඟ වී නැහැ. කෙසේ වෙතත් මෙම පත්රිකාව ඉදිරිපත් කිරීම සම්බන්ධයෙන් අග්රාමාත්ය මහින්ද රාජපක්ෂගේ අප්රසාදය පළවී තිබෙනවා. මේ අතර වාරයේ ක්රීඩා අමාත්ය නාමල් රාජපක්ෂ සහ අධිකරණ අමාත්ය අලි ශබ්රි යන අමාත්යවරුන් ඔවුන්ගේ ඉල්ලා අස්වීමේ ලිපි ජනාධිපතිවරයාට භාර දී තිබෙනවා. කෙසේවෙතත් මෙම විශේෂ කැබිනට් සාකච්ඡාවේදී රටේ වත්මන් ආර්ථික තත්ත්වය පිළිබඳව දීර්ඝව සාකච්ඡා වී ඇති බව සඳහන්. එහිදී අග්රාමාත්යවරයා අදහස් දක්වමින් පවසා ඇත්තේ තෙල්, විදුලි සහ ගෑස් ගැටළුවට හැකි වහාම විසඳුම් ලබාදීමට උපරිමයෙන් ක්රියා කළ යුතු බවයි.