සුළි කුණාටුවක් - ධීවර ගමන් අනතුරුදායකයි
Monday, 21 March 2022 - 10:38 | Views - 677
බස්නාහිර, සබරගමුව සහ මධ්‍යම පළාත්වලත් ගාල්ල සහ මාතර දිස්ත්‍රික්කවලත් අද දිනයේ සිහින් වැසි වාර කීපයක් ඇති විය හැකි බව කාලගුණ විද්‍යා දෙපාර්තමේන්තුව පවසනවා.

එම දෙපාර්තමේන්තුව සඳහන් කරන්නේ ඌව සහ නැගෙනහිර පළාත් වලත් මුලතිව් දිස්ත්‍රික්කයේත් පස්වරු 02.00 න් පමණ පසුව ස්ථාන ස්වල්පයක වැසි හෝ ගිගුරුම් සහිත වැසි ඇතිවිය හැකි බවයි.

එමෙන්ම හම්බන්තොට දිස්ත්‍රික්ක සුළගේ වේගය ද විටින් විට පැයට කිලෝමීටර් හතළිහක් පමණ දක්වා වැඩි විය හැකි බවටයි කාළගුන විද්‍යා දෙපාර්තමේන්තුව අනතුරු අඟවන්නේ.

මේ අතර ගිණිකොන දිග බෙංගාල බොක්ක මුහුදු ප්‍රදේශයේ පැවති පීඩන අවපාතය ඊයේ පස්වරු 11.30 පමණ වන විට ගිනිකොන දිග බෙංගාල බොක්ක සහ දකුණු අන්දමන් දූපත් මුහුදු ප්‍රදේශයට ආසන්නව කේන්ද්‍රගතව පවතින බවයි අද දින නිකුත් කළ කාලගුණ නිවේදනයේ දැක්වෙන්නේ.

එම අඩුපීඩන පද්ධතිය අන්දමන් දූපත් ආසන්නයෙන් වයඹ දෙසට ගමන් කරමින් තවදුරටත් වර්ධනය වී ඉදිරි පැය 12 තුළදී ගැඹුරු පීඩන අවපාතයක් බවට සහ ඊළඟ පැය 12 තුලදී සුළි කුණාටුවක් දක්වා වර්ධනය විය හැකි බවටත් කාලගුණ විද්‍යා දෙපාර්තමේන්තු වාර්තාවේ සඳහන්.

මේ හේතුවෙන් කාළගුණ විද්‍යා දෙපාර්තමේන්තුව ධීවර සහ නාවික ප්‍රජාවගෙන් ඉල්ලා සිටින්නේ නැවත දැනුම් දෙන තුරු උතුරු අක්ෂාංශ 07ත් 16 ත් අතර සහ නැගෙනහිර දේශාංශ 90 ත් 99 ත් අතර ගිනිකොන සහ නැගෙනහිර බෙංගාල බොක්ක මුහුදු ප්‍රදේශයේ ධීවර කටයුතු සඳහා යාත්‍රා නොකරන ලෙසටයි.

මේ සම්බන්ධයෙන් නිකුත් කරන ඉදිරි අනාවැකි පිළිබඳවද දැඩි අවධානයකින් සිටින ලෙසත් කාළගුණ විද්‍යා දෙපාර්තමේන්තුව ධීවර ප්‍රජාවගෙන් ඉල්ලා සිටිනවා. 


Share This Article
Hiru Tv Blog
ඌරන් අතර අතිශය වේගයෙන් ව්‍යාප්ත විය හැකි...
Hiru Tv Blog
දිවයින පුරා දැනට පවතින වැසි සහිත කාලගුණික...
Hiru Tv Blog
අපේ රටේ කලා ක්ෂේත්‍රය තුළ තමන්ටම ආවේණික වූ රංගන හැකියාවකින් සහ සොඳුරු සිනාවකින්...
Hiru Tv Blog
කාංචනා අනුරාධි කියන්නේ ගායන ලෝකයේ ඉන්න අදරණිය ගායිකාවක්.එළිමහන් ප්‍රසංග වේදිකාවක...
Hiru Tv Blog
පුංචි තිරයෙන් මෙන්ම සමාජ මාධ්‍ය ඔස්සේ ලාංකේය ප්‍රේක්ෂක හදවත් දිනාගත් සුන්දර...
Hiru Tv Blog
ලොව පුරා මිලියන 430කට අධික පිරිසක් දෛනිකව භාවිතා කරන මයික්‍රොසොෆ්ට් (Microsoft) සමාගමේ...
Hiru Tv Blog
ඉන්දීය ප්‍රකෝටිපති ව්‍යාපාරිකයකු විසින් සංවර්ධනය කරනු ලබන, මොළයට රුධිරය ගලා...
Hiru Tv Blog
ටෙස්ලා ආයතනය විසින් පියාඹන හැකියාව සහිත බව පවසන නව මෝටර් රථයක් හඳුන්වා දීමට...

පුංචි අන්දරේ

අකුරට යන වෙලාවේ

දිවිතුරා

සංසාරිණී

රැල්ල වෙරළට ආදරෙයි

Hiru News

Top