මියගිය මව දින 14ක් නිවසේ තබාගත් දියණිය
Friday, 25 February 2022 - 9:43 | Views - 822
නිවසේ දින 14කට අධික කාලයක් තිස්සේ මියගොස් සිටි සිය මවට ආහාර පාන ලබා දෙමින් කාලය ගතකළ මානසික රෝගාබාධයකින් පෙළෙන 45 හැවිරිදි දියණියක් පිළිබඳව මිරිහාන පොලිස් වසමෙන් වාර්තා විය.

මෙලෙස මියගොස් ඇත්තේ නුගේගොඩ, දෙල්කඳ, පැ`ගිරිවත්ත, සෝමා තලගල මාවතේ පදිංචිව සිටි වේරපිටියගේ පද්මිණී පතිරණ නමැති එක්දරු මාතාවකි.

අදාළ නිවස දෙසින් දැඩි දුගඳක් හැමී ම ගැන අවධානය යොමු කළ ප‍්‍රදේශවාසීහු මේ සම්බන්ධයෙන් මිරිහාන මූලස්ථාන පොලිසියට පෙරේදා (23 වැනිදා) සවස දැනුම් දී තිබේ.

ඒ අනුව අදාළ නිවසට ගිය පොලිසිය නිවසේ පිටුපස මුළුතැන් ගේ දෙසින් ඇති දොර කඩා ඇතුළු වී පරීක්‍ෂණ කර බැලීමේ දී කෑම කාමරයේ බිම වැටී සිටි මවගේ මළ සිරුර හමු වී ඇත.

සිරුර හමුවන අවස්ථාවේ බෙහෙවින් දිය වී තිබූ බවත්, නිවස තුළ දැඩි දුර්ගන්ධයක් හමමින් තිබූ බවත් පොලිසිය පවසයි.

ඊට අමතරව මානසික රෝගාබාධයකින් පෙළෙන දියණිය ද එම මියගිය මව අසල රැඳී සිටි බව ද පොලිසිය පවසයි.

මියගිය කාන්තාව ගේ සැමියා ඇය විවාහ වූ මුල් කාලයේදීම මියගොස් ඇතැයි හෙළි වූ බව ද පොලිසිය කියයි.

ගත වූ දින කීපය තුළ මෙම දියණිය මියගිය මව සමග දින කීපයක් ම රැය පහන් කරන්නට ඇතැයි පොලිසිය සැක කරයි.

මෙම මව මානසික ආබාධයකින් පෙළෙන දියණිය අතින් ඝාතනයට ලක් වූයේ ද? එසේත් නොමැති නම් ස්වභාවික හේතූන් මත මව මිය ගියේද? යන්න සම්බන්ධයෙන් පොලිසිය පැති කීපයක් ඔස්සේ පරීක්‍ෂණ සිදු කරති.

මියගිය මව ගේ මූලික මහෙස්ත‍්‍රාත් පරීක්‍ෂණය පෙරේදා (23 වැනිදා) සවස නුගේගොඩ වැඩ බලන මහෙස්ත‍්‍රාත් තිස්ස විජේරත්න මහතා හමුවේ පැවැත්විණි.

ඇගේ පශ්චාත් මරණ පරීක්‍ෂණය කළුබෝවිල දකුණු කොළඹ ශීක්‍ෂණ රෝහලේ දී පැවැත්වීමට නියමිතව තිබිණි.

මේ පිළිබඳව මිරිහාන මූලස්ථාන පොලිසියේ ස්ථානාධිපති ප‍්‍රධාන පොලිස් පරීක්‍ෂක මංජුල තුෂාර මහතා ගේ උපදෙස් මත අපරාධ විමර්ශන අංශයේ ස්ථානාධිපති පොලිස් පරීක්‍ෂක අමිල ගෝවින්න මහතා ගේ මෙහෙය වීමෙන් උප පොලිස් පරීක්‍ෂක ගුණරත්න ඇතුළු නිලධාරීහු කණ්ඩායමක් වැඩිදුර පරීක්‍ෂණ සිදු කරති.

ප‍්‍රදීප් ප‍්‍රසන්න සමරකෝන් සහ ඇන්ටන් ප‍්‍රනාන්දු
උපුටා ගැනීම - දිවයින


Share This Article
Hiru Tv Blog
ඌරන් අතර අතිශය වේගයෙන් ව්‍යාප්ත විය හැකි...
Hiru Tv Blog
දිවයින පුරා දැනට පවතින වැසි සහිත කාලගුණික...
Hiru Tv Blog
අපේ රටේ කලා ක්ෂේත්‍රය තුළ තමන්ටම ආවේණික වූ රංගන හැකියාවකින් සහ සොඳුරු සිනාවකින්...
Hiru Tv Blog
කාංචනා අනුරාධි කියන්නේ ගායන ලෝකයේ ඉන්න අදරණිය ගායිකාවක්.එළිමහන් ප්‍රසංග වේදිකාවක...
Hiru Tv Blog
පුංචි තිරයෙන් මෙන්ම සමාජ මාධ්‍ය ඔස්සේ ලාංකේය ප්‍රේක්ෂක හදවත් දිනාගත් සුන්දර...
Hiru Tv Blog
ලොව පුරා මිලියන 430කට අධික පිරිසක් දෛනිකව භාවිතා කරන මයික්‍රොසොෆ්ට් (Microsoft) සමාගමේ...
Hiru Tv Blog
ඉන්දීය ප්‍රකෝටිපති ව්‍යාපාරිකයකු විසින් සංවර්ධනය කරනු ලබන, මොළයට රුධිරය ගලා...
Hiru Tv Blog
ටෙස්ලා ආයතනය විසින් පියාඹන හැකියාව සහිත බව පවසන නව මෝටර් රථයක් හඳුන්වා දීමට...

පුංචි අන්දරේ

අකුරට යන වෙලාවේ

දිවිතුරා

සංසාරිණී

රැල්ල වෙරළට ආදරෙයි

Hiru News

Top