පාර්ලිමේන්තුවේ තවත් ප්රබල අමාත්යවරයෙකුට කොරෝනා වෛරසය ආසාදනය වී තිබෙනවා.
කැබිනට් මණ්ඩලයේ මෙන්ම ශ්රී ලංකා නිදහස් පක්ෂයේ ප්රබලයෙකුටයි මෙලෙස වෛර්සය ආසාදනය වී ඇත්තේ.
ඒ අනුව කොරෝනා වෛරසයට ගොදුරුව ඇත්තේ පරිසර අමාත්ය මහින්ද අමරවීර යි.
ඊයේ (02) සිදු කළ කොරෝනා පරීක්ෂණයකින් අනතුරුව අමාත්යවරයාට වෛරසය ආසාදනය වී ඇති බව අද (03) දිනයේ තහවුරු කර තිබෙනවා.
ඒ අනුව අමාත්යවරයා මේ වනවිට නිරෝධායන කටයුතු සඳහා යොමු කර ඇති අතර, ඔහුගේ සමීපතමයින් සොයා විමර්ශන ක්රියාත්මකයි.
කෙසේවෙතත්, පාර්ලිමේන්තු මැති ඇමතිවරුන් 46 දෙනෙකුට මේ වනවිට වෛරසය ආසාදනය වී තිබෙනවා.
මීට ආසන්න දිනකදී වෛරසය ආසාදනය වූයේ කථානායක මහින්ද යාපා අබේවර්ධනටයි.
ඊට පෙර ඇමති අලගියවන්න, රෝහිණී කවිරත්න , සම්පත් අතුකෝරාළට ද වෛරසය ආසාදනය වූ බවට වාර්තා කෙරුණා.