නවම් මාසයට ළඟ එන පෝලිම ගැන අනතුරු ඇඟවීම (Video)
Thursday, 06 January 2022 - 12:12 | Views - 2,383
මෙරට ඇති වී තිබෙන පොහොර අර්බුදය හේතුවෙන් ඉදිරියේදී සහල් ලබා ගැනීමට ජනතාවට පෝලිම් වල සිටීමට සිදුවන බව සහල් නිෂ්පාදකයින් පවසනවා.
කෙසේ වෙතත් ලබන මස අවසානය වන විට මෙරට තුල විශාල සහල් හිඟයක් ඇති වීමට ඉඩ තිබෙන බවටයි එක්සත් සහල් නිෂ්පාදකයින්ගේ සංගමය අනතුරු අඟවන්නේ.
up date..
පොහොර ගැටලුව හේතුවෙන් නිසි කලට වී අස්වනු නොලැබීම නිසා ඉදිරියේදී සහල් මිලදී ගැනීම සඳහාද ජනතාවට පෝලිම්වල රැඳී සිටීමට සිදුවිය හැකි බව, සහල් නිෂ්පාදකයින් පවසනවා.
මේ අතර, දිවයිනේ බොහෝ ප්රදේශවල ගොවීන් ඉල්ලා සිටින්නේ විනාශ වූ තම වගාවන් වෙනුවෙන් රජයෙන් නිසි වන්දියක් ලබාදෙන ලෙසයි.
මහ කන්නය වෙනුවෙන් හම්බන්තොට රන්න ප්රදේශයේ වී වගාකළ අක්කර 150ක පමණ කුඹුරු යායට රසායනික පොහොර මෙතෙක් නොලැබීම හේතුවෙන්, ගොවීන් දැඩි දුෂ්කරතාවට පත්ව සිටිනවා.
ඔවුන් චෝදනා කරන්නේ මාස දෙකක් පමණ ඉක්මවා ඇති තම වී වගාවට නිසි පෝෂණයක් නොලැබීම හේතුවෙන් මේවන විට ගොයම කහ පැහැගැන්වී ඇති බවයි.
Share This Article