ඉන්දියානුවන්ට කොරෝනා එන්නත් තුන් වැනි මාත්රාව හෙවත් වර්ධක මාත්රාව ලබාදීම ලබන ජනවාරි 10 වැනි දා ආරම්භ වන අතර, එහි දී එන්නත් මිශ්ර නො කිරීමට ඉන්දීය සෞඛ්ය බලධාරීන් තීරණය කර තිබෙනවා.
ඒ අනුව කොවිෂීල්ඩ් හෝ කොවැක්සින් එන්නත් පළමු සහ දෙවන මාත්රා ලෙස ලබා ගත් පුද්ගලයන්ට වර්ධක එන්නත ලෙස ලබාදීමට නියමිත ව ඇත්තේ, තවත් එම එන්නත් මාත්රාවක් බව සඳහන්.
එමෙන්ම, මෙලෙස ඉන්දියාවේ බූස්ටර් එන්නත ලබාදෙන්නේ, දෙවන මාත්රාව ලබා දී මාස 9ත් 12ත් අතර කාලවිරාමයක් ගත වීමෙන් අනතුරුව යි.
ඉන්දියාවේ වර්ධක එන්නත් ලබාදීමේ වැඩසටහන ආරම්භ කෙරෙන්නේ වයස අවුරුදු 60 ඉක්ම වූ සෞඛ්ය සහ ඉදිරි පෙළ සේවකයින් සඳහා එම එන්නත් ලබාදීමෙන්.
ඉන්දියාවේ කොරෝනා එන්නත්කරණ වැඩසටහන යටතේ ලබා දී ඇති එන්නත් මාත්රාවලින් 90%ක් ම ඔක්ෆර්ඩ් - ඇස්ට්රාසෙනෙකා කොවිෂීල්ඩ් එන්නත්.
ඒ අනුව ඔවුන්ට තුන් වැනි හෙවත් වර්ධක මාත්රාව ලෙස ද කොවිෂීල්ඩ් එන්නත් ලබාදෙනු ඇති.