තිරුක්කෝවිල් ඝාතනයේ පොලිස් සැරයන්වරයාගේ ප්රකාශය අසත්යක් ද ?
Monday, 27 December 2021 - 8:29 | Views - 597
අම්පාර - තිරුක්කෝවිල් පොලිස් ස්ථානයේදී සැරයන්වරයෙකුගේ වෙඩි ප්රහාරයට ලක්ව මියගිය නිලධාරීන් සිව්දෙනාගේ පශ්චාත් මරණ පරීක්ෂණය පැවැත්වීමෙන් පසු ඥාතීන් වෙත භාර දී තිබෙනවා.
මේ අතර, වෙඩි තබන ලද පොලිස් සැරයන්වරයා තවදුරටත් පොලීසියට ප්රකාශ කර ඇත්තේ සිය මව දැකීම සඳහා නිවස වෙත යාමට නිවාඩු හිමි නොවීම නිසා මෙම වෙඩි තැබීම සිදුකර ඇති බවටයි.
කෙසේ වෙතත්, පරීක්ෂණ පවත්වන උසස් පොලිස් නිලධාරියෙකු සඳහන් කළේ අදාළ පොලිස් නිලධාරියාට අවසන් වරට දින 07 ක කාලයක් නිවාඩු හිමි වී ඇති බවයි.
මීට අමතරව සෑම මසකම නිවාඩු ලබාගෙන ඇති බව ද පරීක්ෂණවලින් අනාවරණ වී තිබෙනවා.
එබැවින් මෙම පොලිස් සැරයන්වරයා වෙඩි තැබීමට හේතුව ලෙස දක්වන කරුණුවල සත්යතාවයක් පවතින්නේද යන්න පිළිබඳව පොලීසිය විමර්ශන ආරම්භ කර ඇති බවයි වාර්තා වන්නේ.
අම්පාර - තිරුක්කෝවිල් පොලිස් ස්ථානය තුළදී පසුගිය සිකුරාදා පොලිස් සැරයන්වරයෙකු සිදුකළ වෙඩි තැබීමකින් පොලිස් නිලධාරීන් 04 දෙනා ජීවිතක්ෂයට පත්වුණා.
Share This Article