චීනයේ නගරයක් යළිත් වරක් හදිසියේ වසා දමයි
Thursday, 23 December 2021 - 10:54 | Views - 4,929
කොරෝනා වෛරසයේ ව්‍යාප්තිය හේතුවෙන් චීනය යළිත් වරක් නගරයක් වසා දමා තිබෙනවා.

එලෙස වසා දමා ඇත්තේ චීනයේ උතුරු දිග නගරයක් වන ෂියෑන් නගරයයි.

අද මධ්‍යම රාත්‍රියේ සිට නගරය වසා දැමීමට නියමිත අතර එය කුමන කාලයක් බලපැවැත්වෙනවාද යන්න මෙතෙක් ප්‍රකාශයට පත් කර නැහැ.

ෂියෑන් නගරයේ පුද්ගලයින් මිලියන 13 කට අධික පිරිසක් ජීවත් වන අතර නගරය වසා දැමීමත් සමග ඔවුන්ට දැඩි සීමාවලට යටත්වීමට සිදුවනු ඇති.

ඒ අනුව ෂියෑන් නගරයේ ජීවත්වන පවුල්වලින් එක් පුද්ගලයෙකුට පමණක් දින 02 කට වරක් නිවසින් පිටතට පැමිණීමට අවසර හිමිවනවා.

ඒ, අත්‍යවශ්‍ය භාණ්ඩ මිලදී ගැනීම සඳහා පමණයි.

නගරයේ පිහිටි අත්‍යවශ්‍ය නොවන සියලු ව්‍යාපාර ස්ථාන වසා දමා ඇති අතර රජයේ සේවකයින්ට දැනුම්දී ඇත්තේ නිවෙස්වල සිට රාජකාරී කටයුතු සිදුකරන ලෙසයි.

එළඹෙන පෙබරවාරි මාසයේදී පැවැත්වීමට නියමිත 2022 සීත ඍතු ඔලිම්පික් උළෙල හේතුවෙන් කොරෝනා ව්‍යාප්තියෙන් තොර රටක් ගොඩනැගීම චීනයේ අරමුණයි.

ඒ අනුව මේවනවිටත් රට පුරා කොරෝනා ආසාදිතයින් හඳුනා ගැනිමේ පරීක්ෂණ ක්‍රියාත්මක අතර ආසාදිතයින් වාර්තා වුවහොත් අදාළ ප්‍රදේශය වසා දැමීමේ දැඩි තීරණයක චීන බලධාරීන් සිටින බවයි විදෙස් මාධ්‍ය වාර්තා කළේ. 


Share This Article
Hiru Tv Blog
ඌරන් අතර අතිශය වේගයෙන් ව්‍යාප්ත විය හැකි...
Hiru Tv Blog
දිවයින පුරා දැනට පවතින වැසි සහිත කාලගුණික...
Hiru Tv Blog
අපේ රටේ කලා ක්ෂේත්‍රය තුළ තමන්ටම ආවේණික වූ රංගන හැකියාවකින් සහ සොඳුරු සිනාවකින්...
Hiru Tv Blog
කාංචනා අනුරාධි කියන්නේ ගායන ලෝකයේ ඉන්න අදරණිය ගායිකාවක්.එළිමහන් ප්‍රසංග වේදිකාවක...
Hiru Tv Blog
පුංචි තිරයෙන් මෙන්ම සමාජ මාධ්‍ය ඔස්සේ ලාංකේය ප්‍රේක්ෂක හදවත් දිනාගත් සුන්දර...
Hiru Tv Blog
ලොව පුරා මිලියන 430කට අධික පිරිසක් දෛනිකව භාවිතා කරන මයික්‍රොසොෆ්ට් (Microsoft) සමාගමේ...
Hiru Tv Blog
ඉන්දීය ප්‍රකෝටිපති ව්‍යාපාරිකයකු විසින් සංවර්ධනය කරනු ලබන, මොළයට රුධිරය ගලා...
Hiru Tv Blog
ටෙස්ලා ආයතනය විසින් පියාඹන හැකියාව සහිත බව පවසන නව මෝටර් රථයක් හඳුන්වා දීමට...

පුංචි අන්දරේ

අකුරට යන වෙලාවේ

දිවිතුරා

සංසාරිණී

රැල්ල වෙරළට ආදරෙයි

Hiru News

Top