ප්රදේශ කිහිපයකට වරින් වර හදිසි විදුලිය බිඳ වැටීමක්
Wednesday, 22 December 2021 - 10:11 | Views - 3,057
නොරොච්චෝල ගල් අඟුරු විදුලි බලාගරයේ එක් ටර්බයිනයක් ක්රියා විරහිත වීම හේතුවෙන් දිවයිනේ ප්රදේශ කිහිපයකට වරින් වර විදුලිය බිඳවැටීම් සිදු විය හැකි බව ශ්රී ලංකා විදුලි බල මණ්ඩලය පවසනවා.
මීට සති දෙකකට පමණ පෙරදීත් මේ ආකාරයෙන් ම නොරොච්චෝලේ විදුලි බලාගාරයේ බිඳ වැටීමක් සිදු වූ අතර, ඒ හේතුවෙන් දිවයිනේ සමස්ත විදුලි පරිභෝජනයෙන් ආසන්න වශයෙන් 25%කට පමණ බලපෑම් එල්ල වුණා.
එම තත්ත්වය නිවැරැදි කර ගැනීමට විදුලි ඉන්ජිනේරුවන්ට දින තුනක්ට ආසන්න කාලයක් වැය වූ අතර, එම බිඳවැටීම සම්බන්ධයෙන් විදුලිබල මණ්ඩල ව්දුලි ඉන්ජිනේරුවන් සහ ජ්යේෂ්ඨ විදුලි ඉන්ජිනේරුවන් අතර දැඩි මතභේදාත්මක තත්ත්වයක් ද උද්ගත වුණා.
මේ සම්බන්ධයෙන් ජ්යේෂ්ඨ විදුලි ඉංජිනේරුවන්, විදුලි බල මණ්ඩල ඉංජිනේරුවන්ට චෝදනා කරමින් කියා සිටියේ, මෙය ඇතැම්විට සිත මතා සිදු කළ කඩාකප්පල් ක්රියාවක් විය හැකි බව යි.
මේ සම්බන්ධයෙන් සොයා බැලීමට කමිටුවක් ද පත් කෙරුණු අතර, එම කමිටුවේ වාර්තා මෙතෙක් නිකුත් වී නෑ.
Share This Article