ඉන්ධන මිල ඉහළ යාමත් සමඟ බස් ගාස්තු වැඩිකිරීමට අදාළ විශේෂ සාකච්ඡාවක් අද පැවැත්වීමට නියමිතයි. ඒ, බස් රථ ප්රවාහන සේවා රාජ්ය අමාත්ය දිලුම් අමුණුගම සහ පෞද්ගලික බස් සංගම් නියෝජිතයින් අතරයි.
රජයෙන් ඉන්ධන සඳහා සහනාධාරයක් නො ලැබුණ හොත් බස් ගාස්තුව 25%කින් ඉහළ නැංවීමට සිදු වන බවයි පෞද්ගලික බස් සංගම් ඊයේ ප්රකාශ කළේ.
මේ අතර, තෙල් මිල වැඩි වීමට සමගාමී ව අවම බස් ගාස්තුව ද රුපියල් 20 දක්වා වැඩි කළ යුතු බව ගැමුණු විජේරත්න ඊයේ (21) ප්රකාශ කළා.
ඉන්ධන මිල ඉහළ යාමත් සමඟ පළමු කිලෝමීටරය සඳහා අය කළ රුපියල් 50ක ගාස්තුව රුපියල් 80 දක්වා ඉහළ දැමීමට ත්රී රෝද රථ වෘත්තීය සමිති තීරණය කළා.
එසේම ආනයන අපනයන බහලුම් ප්රවාහනය කිරීමේ දී අයකරන ගාස්තුව සියයට විස්සකින් ඉහළ දැමීමට යි සමස්ත ලංකා ඒකාබද්ධ බහලුම් ප්රවාහන රථ හිමියන්ගේ සංගමය තීරණය කර තිබුණේ.
එසේම ලබන වසරේ ජනවාරි මස 3 වන දා සිට පාසල් ළමයින් ප්රවාහනය කරන ගාස්තු ද යම් ප්රතිශතයකින් ඉහළ දමන බව සමස්ථ ලංකා පාසල් ළමුන් ප්රවාහන සංගමය ප්රකාශ කළා.