රුපියල පා කරන්නේ නෑ - මහ බැංකු අධිපති
Friday, 17 December 2021 - 8:28 | Views - 692
විනිමය අනුපාත සම්බන්ධයෙන් මෙරට ක්‍රියාත්මක ප්‍රතිපත්තියේ වෙනසක් සිදු කරන බවට පළවන කටකථාවල සත්‍යයක් නොමැති බව මහ බැංකු අධිපති අජිත් නිවාඩ් කබ්රාල් පවසනවා.

ට්විටර් පණිවුඩයක් නිකුත් කරමින් ඔහු සඳහන් කළේ, ඒ සම්බන්ධයෙන් පළවන්නේ ව්‍යාජ වාර්තා බවයි.

මේ වනවිට ඩොලර් විනිමය සම්බන්ධයෙන් මහ බැංකුව ස්ථාවර අනුපාතයක් ක්‍රියාත්මක කරනු ලබන අතර, පෞද්ගලික විදේශ මුදල් හුවමාරු කරන ආයතන මඟින් ඒ සඳහා ඉහළ අනුපාතයක් ගෙවනු ලැබුවා.

කෙසේ නමුත් ඊට එරෙහිව නීති දැඩි කිරීමෙන් අනතුරු ව පෞද්ගලික ආයතන ද මහ බැංකු අනුපාතය අනුගමනය කිරීමට පැමිණ සිටිනවා.

මහ බැංකුව ඩොලරය සඳහා රුපියල් 203ක පමණ ස්ථාවර අනුපාතයක් පවත්වාගෙන යනු ලබන අතර, ඒ සඳහා පෞද්ගලික අංශ මඟින් රුපියල් 240ක පමණ මුදලක් ගෙවනු ලැබුවා.

එහෙත් මහ බැංකුව විසින් අවධාරණය කිරීමෙන් පසු ඔවුන් එම අනුපාත ගෙවීම නතර කර තිබෙනවා.

මහ බැංකුව මඟින් ශ්‍රී ලාංකිකයන් උපයන මුදල් සඳහා රුපියල් 210 බැගින් වැඩි අනුපාතයක් ගෙවන බවද ප්‍රකාශ කළා.

මේ අතර ඩොලර් හිඟය සම්බන්ධයෙන් ජාත්‍යන්තර මූල්‍ය අරමුදලේ සහාය ලබාගැනීම පිළිබඳව රාවයක් පැතිර ගිය අතර, ඊට අනුකූලව රුපියල පා කිරීමට සූදානම් වන බවද කටකථා පැතිරුණා.

මහ බැංකු අධිපතිවරයා ප්‍රතිචාර දක්වා ඇත්තේ එම වාර්තා පිළිබඳවයි.

මේ අතර අන්තර්ජාලය ඔස්සේ වෙළෙඳාම් කටයුතු සිදු කිරීමේ දී පවතින වාණිජ නීති ශක්තිමත් කිරීම පිළිබඳ අවධානය යොමුව තිබෙනවා.

ඔන්ලයින් වෙළෙඳාම් සිදු කරන ව්‍යාපාරිකයන් මෙන්ම පාරිභෝගිකයන් යන දෙපාර්ශවය ම අයිතීන් සුරක්ෂිත වන අයුරින් මෙම නව නීති හඳුන්වා දෙනු ඇති.

මීට අදාළ ව අධිකරණ අමාත්‍යාංශයේ පැවති සාකච්ඡාවක දී අන්තර්ජාල වෙළෙඳාම් සම්බන්ධයෙන් මුහුණදෙන ගැටලු සහ ශක්තිමත් නීති රාමුවක අවශ්‍යතාව අවධාරණය කෙරුණා.

ඊට අදාළ ව සිදු කර ඇති පර්යේෂණ වාර්තාවන් ද අධ්‍යයනය කරමින් නව නීති හඳුන්වාදීම සහ සංශෝධනය කිරීම සිදු කළ යුතු ආකාරය පිළිබඳව සාකච්ඡාවේදි අවධානය යොමුව තිබෙනවා.

අධිකරණ අමාත්‍ය අලී සබ්රි, ඩිජිටල් තාක්ෂණ කටයුතු පිළිබඳ රාජ්‍ය අමාත්‍ය නාමල් රාජපක්ෂ ඇතුළු නිලධාරින් මෙන්ම ඔන්ලයින් වෙළඳාම සිදු කරන ආයතන කිහිපයක නියෝජිතයින් ද ඊට එක්ව සිටි අතර, වානිජ නීති පද්ධතිය සමාලෝචනයට පත් කර ඇති කමිටුව සමග සාකච්ඡා කර නීති ශක්තිමත් විය යුතු බවට යි එහි දී අවධාරණය කෙරුණේ. 


Share This Article
Hiru Tv Blog
ඌරන් අතර අතිශය වේගයෙන් ව්‍යාප්ත විය හැකි...
Hiru Tv Blog
දිවයින පුරා දැනට පවතින වැසි සහිත කාලගුණික...
Hiru Tv Blog
අපේ රටේ කලා ක්ෂේත්‍රය තුළ තමන්ටම ආවේණික වූ රංගන හැකියාවකින් සහ සොඳුරු සිනාවකින්...
Hiru Tv Blog
කාංචනා අනුරාධි කියන්නේ ගායන ලෝකයේ ඉන්න අදරණිය ගායිකාවක්.එළිමහන් ප්‍රසංග වේදිකාවක...
Hiru Tv Blog
පුංචි තිරයෙන් මෙන්ම සමාජ මාධ්‍ය ඔස්සේ ලාංකේය ප්‍රේක්ෂක හදවත් දිනාගත් සුන්දර...
Hiru Tv Blog
ලොව පුරා මිලියන 430කට අධික පිරිසක් දෛනිකව භාවිතා කරන මයික්‍රොසොෆ්ට් (Microsoft) සමාගමේ...
Hiru Tv Blog
ඉන්දීය ප්‍රකෝටිපති ව්‍යාපාරිකයකු විසින් සංවර්ධනය කරනු ලබන, මොළයට රුධිරය ගලා...
Hiru Tv Blog
ටෙස්ලා ආයතනය විසින් පියාඹන හැකියාව සහිත බව පවසන නව මෝටර් රථයක් හඳුන්වා දීමට...

පුංචි අන්දරේ

අකුරට යන වෙලාවේ

දිවිතුරා

සංසාරිණී

රැල්ල වෙරළට ආදරෙයි

Hiru News

Top