පාකිස්ථානයේ සියල්කොට් නගරයේදී පසුගිය තුන්වනදා අමානුෂික ලෙස ඝාතනයට ලක්වූ ශ්රී ලාංකික නිෂ්පාදන ඉංජිනේරුවරයෙකු වන ප්රියන්ත කුමාර දියවඩනගේ මාසික වැටුප සෑම මසකම 5 වනදා වන විට ගිණුම්ගත කිරීමට අදාළ සමාග එකඟ වී ඇති බව විදේශ අමාත්ය මහාචාර්ය ජී.එල් පීරිස් පවසනවා.
අමාත්යවරයා මෙම අදහස් පළකළේ අද විදේශ කටයුතු අමාත්යංශයේ ද ප්රියන්ත කුමාරගේ බිරිඳ සහ දරුවන් වෙනුවෙන් මූල්ය පරිත්යාගයක් සිදු කරමින්.
ප්රියන්ත කුමාරගේ දේහය මෙරටට ගෙන ඒම සහ අවමංගල්ය උත්සවය වෙනුවෙන් සිදු කෙරුණු වියදම් රජයේ අරමුදල්වලින් පියවීමට රජය තීරණය කර තිබුණා.
කෙසේවෙතත් ඒ සඳහා වන සියලු වියදම් අදාළ සමාගම් විසින් දැරීම සහ ඒ වෙනුවෙන් බිල්පත් ඉදිරිපත් නොකිරීම හේතුවෙන් එම මුදල තක්සේරු කර විදේශ කටයුතු අමාත්යංශය මගින් ප්රියන්ත කුමාරගේ බිරිඳ සහ දරුවන් වෙත ලබාදීමට විදේශ කටයුතු අමාත්යංශය කටයුතු කළා.