ශ්රී ලංකාවට දකුණු දෙසින් පැවති පහළ වායුගෝලීය කැළඹිලි තත්ත්වය, අඩු පීඩන කලාපයක් දක්වා වර්ධනය වී ඇති අතර, මේ වන විට එය දිවයිනට ගිනිකොණ දිශාවෙන් ස්ථානගතව ඇති බව කාලගුණ විද්යා දෙපාර්තමේන්තුව පවසනවා.
මේ හේතුවෙන් මෙම පද්ධතියේ බලපෑම මත දිවයිනේ දකුණු අර්ධයේ අහස වලාකුලින් බරව පවතින බවයි කාලගුණ නිවේදනයේ දැක්වෙන්නේ.
උතුරු, උතුරු-මැද, නැගෙනහිර, මධ්යම සහ ඌව පළාත්වල විටින් විට වැසි ඇති වන අතර, උතුරු, නැගෙනහිර සහ ඌව පළාත්වල ඇතැම් ස්ථානවලට මිලිමීටර් 50ට වැඩි තරමක තද වැසි ද ඇතිවිය හැකියි.
දිවයිනේ සෙසු ප්රදේශවල සවස් කාලයේදී හෝ රාත්රී කාලයේදී තැනින් තැන වැසි හෝ ගිගුරුම් සහිත වැසි ඇතිවන අතර, සබරගමුව පළාතෙත් ගාල්ල සහ මාතර දිස්ත්රික්කවලත් ඇතැම් ස්ථානවලට මිලිමීටර් 75ට වැඩි තරමක තද වැසි ද ඇතිවීමේ ඉඩකඩක් පවතිනවා.
ශ්රී ලංකාවට දකුණු දෙසින් පැවති පහළ වායුගෝලීය කැළඹිලි තත්ත්වය, අඩු පීඩන කලාපයක් දක්වා වර්ධනය වී ඇති අතර, මේ වන විට එය දිවයිනට ගිනිකොණ දිශාවෙන් ස්ථානගතව රැඳී තිබෙනවා.
මේ හේතුවෙන් මාතර සිට හම්බන්තොට හරහා පොතුවිල් දක්වා වෙරළට ඔබ්බෙන් වන ගැඹුරු මුහුදු ප්රදේශවල නැවත දැනුම් දෙන තුරු ධීවර සහ නාවික කටයුතුවල නොයෙදෙන ලෙසයි කාලගුණ විද්යා දෙපාර්තමේන්තුව පවසන්නේ.
එමෙන්ම, කන්කසන්තුරය සිට ත්රිකුණාමලය, මඩකලපුව සහ පොතුවිල් හරහා හම්බන්තොට දක්වාවෙරළට ඔබ්බෙන් වන මුහුදු ප්රදේශවල විටින් විට වැසි හෝ ගිගුරුම් සහිත වැසි ඇතිවීමේ ඉඩකඩක් තිබෙනවා.
මාතර සිට හම්බන්තොට හරහා පොතුවිල් දක්වා වෙරළට ඔබ්බෙන් වන ගැඹුරු මුහුදු ප්රදේශවල තද වැසි ද ඇතිවිය හැකි අතර, සෙසු මුහුදු ප්රදේශවලසවස් කාලයේදී හෝ රාත්රි කාලයේදී තැනින් තැන වැසි හෝ ගිගුරුම් සහිත වැසි ඇතිවිය හැකියි.
දිවයින වටා වන මුහුදු ප්රදේශවල සුළං ඊසාන දෙසින් හමනවා.
සුළගේ වේගය පැ.කි.මී. (25-35) පමණ වන අතර විටින් විට පැ.කි.මී. 45 පමණ දක්වා වැඩි විය හැකි අතර, ගාල්ල සිට හම්බන්තොට, පොතුවිල් හරහා මඩකලපුව දක්වාවෙරළට ඔබ්බෙන් වන මුහුදු ප්රදේශවල සුළගේ වේගය විටින් විට පැ.කි.මී. (50-55) අගයක් දක්වා වැඩි විය හැකියි.
මේ හේතුවෙන් ගාල්ල සිට හම්බන්තොට සහපොතුවිල් හරහා මඩකලපුව දක්වාවෙරළට ඔබ්බෙන් වන මුහුදු ප්රදේශ විටින් විට රළු වන අතර, දිවයින වටා වන සෙසු මුහුදු ප්රදේශ විටින් විට තරමක් රළු වන බව ද නිවේදනයේ දැක්වෙනවා.
ගිගුරුම් සහිත වැසි ඇති වන විට එම මුහුදු ප්රදේශවල තාවකාලිකව තද සුළං ඇති විය හැකි අතර, එවිට එම මුහුදු ප්රදේශ තාවකාලිකව ඉතා රළු විය හැකියි.
ගිගුරුම් සහිත වැසි සමග ඇතිවිය හැකි තාවකාලික තද සුළංවලින් සහ අකුණු මගින් සිදු වන අනතුරු අවම කර ගැනීමට අවශ්ය පියවර ගන්නා ලෙසටත් කාලගුණ විද්යා දෙපාර්තමේන්තුව විසින් ජනතාවගෙන් කාරුණිකව ඉල්ලා සිටිනු ලබනවා.