පාකිස්ථානයේදී ඝාතනයට ලක්වූ ප්‍රියන්තගේ දේහය නිවසට (Photos)
Tuesday, 07 December 2021 - 8:57 | Views - 1,874

ශ්‍රී ලාංකික කම්හල් කළමනාකරු ප්‍රියන්ත කුමාර දියවඩන අමානුෂික ලෙස ඝාතනය කිරීමේ සිද්ධිය සම්බන්ධයෙන් පාකිස්තාන අග්‍රාමාත්‍ය ඉම්රාන් ඛාන් ඊයේ සිවිල් සහ හමුදා නායකත්වය සමඟ ඉහළ පෙළේ සාකච්ඡාවක නිරත වුණා.

ඒ සඳහා පාකිස්තාන හමුදා ප්‍රධානී ජාවෙඩ් බජ්වා, ජාතික ආරක්ෂක උපදේශක මොයිඩ් යූසුෆ් මෙන්ම තොරතුරු සහ අභ්‍යන්තර කටයුතු අමාත්‍යවරුන් සහ පන්ජාබ් මහඇමතිවරයා ද එක් වූ බවයි පාකිස්තාන මාධ්‍ය සඳහන් කළේ.

ප්‍රියන්ත කුමාර දියවඩන, කම්හල් සේවකයින් පිරිසක් විසින් ආගමික අපහාස චෝදනා මත ඝාතනය කිරීම සම්බන්ධයෙන් දැඩි නීතිමය ක්‍රියාමාර්ග ගත යුතු බවයි මෙම රැස්වීමේදී අවධාරණය කර ඇත්තේ.

මුළු රටේම ආරක්ෂක තත්ත්වය පිළිබදව ඇගයීමක් සිදු කළ යුතු බවත් මෙවැනි සිද්ධීන් නැවතත් ඉඩ නොතැබිය යුතු බවත් අග්‍රාමාත්‍ය ඉම්රාන් ඛාන් එහි දී පවසා තිබෙනවා.

ප්‍රියන්ත කුමාර සේවය කළ සියල්කොට් හි රාජ්කෝ කම්හලේ සේවකයන් 900 දෙනෙකුට එරෙහිව නඩු පැවරීමට ද කටයුතු කෙරෙනවා.

ප්‍රියන්ත කුමාර ප්‍රචණ්ඩකාරී පිරිස් වෙතින් බේරා ගැනීමට උත්සාහ කළ මලික් අද්නන් ද ඊයේ පැවති ඉහළ පෙළේ රැස්වීමේදී ප්‍රසාදයට ලක් කෙරුණා.

ප්‍රියන්ත කුමාර දියවඩනගේ දේහය ඊයේ දිවයිනට රැගෙන එනු ලැබූ අතර, රාත්‍රියේ ඔහුගේ නිවසෙහි තැන්පත් කෙරුණා.

ඒ, ඔහුගේ බිරිඳ සහ දරුවන් වෙසෙන ගනේමුල්ල - පොකුණ හන්දිය - කැන්දලියද්ද පාළුව ප්‍රදේශයේ පිහිටි නිවසේයි.

දේහය පිළිබද අවසන් කටයුතු බදාදා දිනයේ දී සිදුකිරීමට නියමිතයි.

ඔහුගේ දේහය රැගත් යූ.එල්. 186 දරණ ශ්‍රී ලන්කන් ගුවන් සේවයට අයත් ගුවන් යානය පාකිස්තානයේ ලාහෝර් නුවර සිට කටුනායක ගුවන් තොටුපොළට ළඟා වූයේ ඊයේ පස්වරු 5.05ට පමණයි.

පසු ව දේහය මීගමුව රෝහල වෙත රැගෙන ගිය අතර එහි දී දේහය පිළිබඳ පශ්චාත් මරණ පරීක්ෂණය පැවැත්වුණා.

ඉන් අනතුරුවයි දේහය කොළඹ පිහිටි මල් ශාලාවක රැගෙන යාමෙන් පසු ගනේමුල්ල ප්‍රදේශයේ පිහිටි ඔහුගේ නිවස වෙත රැගෙන එනු ලැබුවේ.

මේ අතර, ඊයේ රැස් වූ අමාත්‍ය මණ්ඩල හමුවේදී ද ප්‍රියන්ත කුමාරගේ ඝාතනය පිළිබදව අවදානය යොමුව තිබෙනවා.

එහි දී ඔහුගේ බිරිඳ සහ දරුවන්ට රුපියල් ලක්ෂ 25ක අධාරයක් ලබාදීමට අමාත්‍ය මණ්ඩලය අනුමැතිය හිමි ව ඇති බවටයි වාර්තා වන්නේ.






Share This Article
Hiru Tv Blog
ඌරන් අතර අතිශය වේගයෙන් ව්‍යාප්ත විය හැකි...
Hiru Tv Blog
දිවයින පුරා දැනට පවතින වැසි සහිත කාලගුණික...
Hiru Tv Blog
අපේ රටේ කලා ක්ෂේත්‍රය තුළ තමන්ටම ආවේණික වූ රංගන හැකියාවකින් සහ සොඳුරු සිනාවකින්...
Hiru Tv Blog
කාංචනා අනුරාධි කියන්නේ ගායන ලෝකයේ ඉන්න අදරණිය ගායිකාවක්.එළිමහන් ප්‍රසංග වේදිකාවක...
Hiru Tv Blog
පුංචි තිරයෙන් මෙන්ම සමාජ මාධ්‍ය ඔස්සේ ලාංකේය ප්‍රේක්ෂක හදවත් දිනාගත් සුන්දර...
Hiru Tv Blog
ලොව පුරා මිලියන 430කට අධික පිරිසක් දෛනිකව භාවිතා කරන මයික්‍රොසොෆ්ට් (Microsoft) සමාගමේ...
Hiru Tv Blog
ඉන්දීය ප්‍රකෝටිපති ව්‍යාපාරිකයකු විසින් සංවර්ධනය කරනු ලබන, මොළයට රුධිරය ගලා...
Hiru Tv Blog
ටෙස්ලා ආයතනය විසින් පියාඹන හැකියාව සහිත බව පවසන නව මෝටර් රථයක් හඳුන්වා දීමට...

පුංචි අන්දරේ

අකුරට යන වෙලාවේ

දිවිතුරා

සංසාරිණී

රැල්ල වෙරළට ආදරෙයි

Hiru News

Top