යුරෝපා රටවලට - පාප්වහන්සේගෙන් චෝදනා
Monday, 06 December 2021 - 9:57 | Views - 908
යුරෝපා රටවල් විසින් සංක්රමණිකයන් සම්බන්ධයෙන් අනුගමනය කරන පිළිවෙත් හෙළා දකින බව ශුද්ධෝත්තම ප්රැන්සිස් පාප් වහන්සේ ප්රකාශ කළා.
මේ දිනවල ග්රීක දිවයිනක් වන ලෙස්බොස් හි සංචාරයක නිරතවෙමින් සිටින උන්වහන්සේ කියා සිටියේ ඔවුන් පටු ආත්මාර්ථකාමීත්වය සහ ජාතිකවාදය පෙරදැරිව කටයුතු කරන බවටයි.
නීතිවිරෝධීව යුරෝපයට සංක්රමණය වීමට උත්සාහ දරන්නන්ගේ ප්රධාන පිවිසුම් ස්ථානයක් ලෙස සැළකෙන ලෙස්බොස්හි පාප්තුමන් ප්රථම වරට සංචාරය කරනු ලැබුවේ 2016 වසරේදියි.
එදින සිට මේ දක්වා සංක්රමණික ප්රතිපත්තියේ සුළු වෙනස්වීමක් පමණක් සිදුව ඇති බවටයි උන්වහන්සේ චෝදනා කළේ.
මේ අතර පසුගිය මාසයේ ප්රංශය සහ එක්සත් රාජධානිය අතර ඩිංගි යාත්රාවකින් සංක්රමණය වීමට උත්සහ දැරූ 27 දෙනෙකු ජීවිතක්ෂයට පත්වුණා.
මේ වසරේ මේ දක්වා පුද්ගලයින් 26,000 කට අධික පිරිසක් බි්රතාන්යයට සංක්රමණය වී ඇති අතර, එය පසුගිය වසරට සාපේක්ෂව දෙගුණයක වර්ධනයක්.
Share This Article