
ඇඹිලිපිටිය පොලිස් වසමට අයත් කදුරුගස්ආර ප්රදේශයේ වෙළඳසැලකට යාබදව පිටුපස පිහිටි නිවසේ ගෑස් ලිපක් පිපිරී ගොස් ඇතැයි ඇඹිලිපිටිය පොලීසිය පවසනවා. වෙළඳසැල අයිතිකරුගේම නිවසේ මෙම පිපිරීම සිදු වී තිබෙනවා.
මෙහිදී ජීවිත හානි කිසිවක් සිදු නොවී ඇති අතර මහ හඬින් ඇසුණු පිපුරුම් ශබ්දයෙන් පසු වෙළදඳසැල් හිමියා ඉක්මනින් මුලුතැන්ගෙට ගොස් ගෑස් සිලින්ඩරයේ රෙගියුලේටය අසලින් ගෑස් පිටතට යාම නවත්වා සිදුවීමට ගිය විශාල අනතුරක් වළක්වාගෙන ඇති බව ද පොලීසිය වැඩිදුරටත් සඳහන් කළා.
මේ පිළිබඳ වැඩිදුර විමර්ශන ඇඹිලිපිටිය පොලිසිය සිදුකරනු ලබනවා.
එසේම ගෑස්වල අඩංගු සංයුතිය පිළිබඳ නියාමනය කිරීම සඳහා මේ දක්වා ආයතනයක් නොමැතිවීම කණගාටුවට කරුණක් බව කැබිනට් ප්රකාශක අමාත්ය ඩලස් අලහප්පෙරුම ප්රකාශ කළා.
මේ අතර, අදත්, ගෑස් ආශ්රිතව සිදුවූ තවත් සිද්ධින් කිහිපයක් දිවයිනේ ප්රදේශ කිහිපයකින් වාර්තා වුණා.
මාතර - නාවිමන, මීගොඩ - පානලුව, මීරිගම, මොරටුව - රාවතාවත්ත, කැකිරාව ආදි ප්රදේශවලින් ගෑස් ආශ්රිතව සිදුවූ තවත් සිද්ධින් කිහිපයක් මෙලෙස වාර්තා වී ඇති බවයි හිරු වාර්තාකරුවන් සඳහන් කළේ.
කෙසේ වෙතත්, ඛනිජ තෙල් නීතිගත සංස්ථාව විසින් ගෑස්වල සංයුතිය පිළිබඳව සිදුකරන ලද පරීක්ෂණ වාර්තා හෙළිකළ යුතු බවයි ලංකා ඛනිජ තෙල් වෘත්තීය සමිති එකමුතුවේ කැදවුම්කරු ආනන්ද පාලිත අද පැවති මාධ්ය හමුවකට එක්වෙමින් ප්රකාශ කළේ.
56 Views
219 Views
116 Views
102 Views
89 Views
105 Views
100 Views
70 Views
145 Views
86 Views
106 Views
172 Views
204 Views
669 Views