අදත් වැසි
Friday, 26 November 2021 - 7:32 | Views - 537
නිරිත දිග බෙංගාල බොක්ක මුහුදු ප්රදේශයේ පැවති අඩු පීඩන තත්ත්වය තවදුරටත් දිවයිනට නැගෙනහිර දෙසින් ස්ථානගත ව පවතින බව කාලගුණ විද්යා දෙපාර්තමේන්තුව නිවේදනය කරනවා.දිවයින පුරා අහස වලාකුළින් බර ව පවතිනු ඇති අතර, මධ්යම කඳුකර ප්රදේශයේ, විශේෂයෙන් උදය කාලයේ දී මීදුම් සහිත තත්ත්වයක් පවතිනු ඇති.දිවයිනේ බොහෝ ප්රදේශවල විටින් විට වැසි හෝ ගිගුරුම් සහිත වැසි ඇති වෙන බවයි වාර්තා වෙන්නේ.උතුරු, උතුරු-මැද, බස්නාහිර, සබරගමුව, මධ්යම සහ ඌව පළාත්වලත් පුත්තලම, මඩකළපුව සහ ත්රිකුණාමලය දිස්ත්රික්කවලත් ඇතැම් ස්ථානවලට මි.මී. 100ට වැඩි තද වැසි ඇතිවිය හැකියි.දිවයිනේ සෙසු ප්රදේශවල ඇතැම් ස්ථානවලට මි.මී. 75ට වැඩි තරමක තද වැසි ද ඇති වෙන බව කාලගුන විද්යා දෙපාර්තමේන්තුව පවසනවා.ගිගුරුම් සහිත වැසි සමඟ ඇති විය හැකි තාවකාලික තද සුළංවලින් සහ අකුණු මඟින් සිදු වන අනතුරු අවම කර ගැනීමට අවශ්ය පියවර ගන්නා ලෙස යි කාලගුණ විද්යා දෙපාර්තමේන්තුව ජනතාවගෙන් ඉල්ලා සිටින්නේ.
Share This Article